Estradiol Hexal
Kvenhormón
Lyfseðilsskylt
Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: EstradíólSkráð 1. ágúst 2026
Estradíól er hormón sem líkaminn framleiðir. Estradiol Hexal er gefið eitt og sér, í hormónameðferð eftir tíðahvörf ef að minnsta kosti 12 mánuðir eru frá síðustu náttúrulegu tíðablæðingum. Eftir tíðahvörf hætta eggjastokkarnir að framleiða estradíól og prógesterón. Hormónameðferðin miðast að því að vega skortinn upp sem verður og að slá á einkenni sem eru samfara honum. Hormónameðferð eftir tíðahvörf minnkar líkur á beinþynningu þar sem estradíól heldur áfram eðlilegu viðhaldi beina.
Notkun á lyfjum
LyfjaformForðaplástur á húð.
Venjulegar skammtastærðir1 plástur á húð 2svar í viku. Hormónaplástur gefur frá sér 37,5-100 míkrógrömm á sólarhring.
Hversu langur tími uns verkun kemur framEstrógenmagn í blóði eykst nokkrum klst. eftir álímingu plásturs. Einkenni hormónaskorts hverfa á nokkrum vikum eða mánuðum.
Verkunartími4 dagar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu. Ef plásturinn dettur af og límist ekki aftur á skaltu setja nýjan plástur á sama stað. Haltu svo áfram að nota lyfið eins og venjulega.
Hvernig á að hætta töku lyfsinsHætta skal uppbótarmeðferð eftir tíðahvörf í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef stórir skammtar eru notaðir eða ef vart verður við einhver óvenjuleg einkenni skal hafa samband við lækni.
LangtímanotkunÁn vandkvæða, en ráðlegt er að fara reglulega í skoðun. Ákveðið nánar í samráði við lækni.
Aukaverkanir
Aukaverkanir eru tíðari í upphafi meðferðar og eftir því sem skammtar eru stærri. Listinn er ekki tæmandi.
Algengar aukaverkanir (>1%):
- BrjóstaspennaLeitið til læknis
- BrjóstastækkunLeitið til læknis
- Erting undan plástriLeitið til læknis
- Höfuðverkur, ógleðiLeitið til læknis
- Kviðverkir, niðurgangur og meltingartruflanirLeitið til læknis
- Óeðlilegar blæðingarLeitið til læknis
- SkapgerðarbreytingarLeitið til læknis
- Útbrot, kláðiLeitið til læknis
- ÚtferðLeitið til læknis
- Verkir, þróttleysiLeitið til læknis
- Þyngdarbreyting, bjúgurLeitið til læknis
Sjaldgæfar aukaverkanir (<1%):
- HáþrýstingurLeitið til læknis
- Breytingar í brjóstumLeitið strax til læknis
- GulaLeitið strax til læknis
- Verkur í fótum, nára eða fyrir brjóstiLeitið strax til læknis
Milliverkanir
Lyf sem auka áhrif lifrarensíma, t.d. sum flogaveikilyf eða sýklalyf, geta dregið úr virkni lyfsins. Jóhannesarjurt og ginseng geta haft áhrif á virkni lyfsins.
Nánari upplýsingar
Leitið ráða hjá heilbrigðisstarfsmanni áður en lyfið er notað ef:
- grunur leiki á um þungun
- þú sért með astma
- þú sért með háan blóðþrýsting, hjarta- eða æðasjúkdóm
- þú sért með krabbamein í legi eða brjóstum
- þú sért með langvarandi lifrar- eða nýrnasjúkdóm
- þú sért með mígreni
- þú sért með ofnæmi fyrir virka efninu eða einhverju hjálparefnanna
- þú sért með rauða úlfa (lupus)
- þú sért með sykursýki
- þú hafir fengið krampa eða sért með flogaveiki
- þú eigir sögu um blóðtappa
- þú takir einhver önnur lyf
- þú sért með blæðingar frá fæðingarvegi af óþekktum ástæðum
- þú sért með ofnæmi fyrir hnetum og soja
MeðgangaLyfið er aðeins notað eftir tíðahvörf.
BrjóstagjöfLyfið er aðeins notað eftir tíðahvörf.
BörnLyfið er ekki ætlað börnum.
Eldra fólkTakmörkuð reynsla er af notkun lyfsins hjá konum eldri en 65 ára.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.