Anastrozole Alvogen
Lyf með verkun á innkirtla
Lyfseðilsskylt
Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: AnastrózólSkráð 3. mars 2014
Anastrozole Alvogen inniheldur efni sem kallast anastrozol. Það tilheyrir flokki lyfja sem kallast „arómatasahemlar“. Anastrozole Alvogen er notað til að meðhöndla brjóstakrabbamein hjá konum eftir tíðahvörf. Anastrozole Alvogen verkar með því að draga úr magni hormónsins estrogens sem líkaminn framleiðir. Það nær fram þessum áhrifum með því að hamla náttúrulegu efni (ensími) í líkamanum sem kallast „arómatasi”.
Notkun á lyfjum
LyfjaformTöflur til inntöku.
Venjulegar skammtastærðir1 mg á dag, helst alltaf á sama tíma dags. Töflurnar gleypist heilar með vatnsglasi.
Hversu langur tími uns verkun kemur framLyfið nær hámarksstyrk í blóði innan 2ja klukkustunda.
VerkunartímiNokkrir dagar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða vart verður við óvenjuleg einkenni skal hafa samband við lækni.
LangtímanotkunFylgjast skal reglulega með lifrarstarfsemi.
Aukaverkanir
Algengustu aukaverkanir lyfsins eru höfuðverkur, hitakóf, ógleði, útbrot, verkir og stirðleiki í liðum og þróttleysi. Einhverrar hækkunar á kólesteróli hefur gætt.
Algengar aukaverkanir (>1%):
- Verkir og stirðleiki í liðum
- BeinverkirLeitið til læknis
- BeinþynningLeitið til læknis
- HárlosLeitið til læknis
- HitakófLeitið til læknis
- HöfuðverkurLeitið til læknis
- KólesterólhækkunLeitið til læknis
- LystarleysiLeitið til læknis
- Ógleði, uppköst, niðurgangurLeitið til læknis
- Útbrot og kláðiLeitið til læknis
- Þróttleysi, svefnhöfgiLeitið til læknis
- Þurrkur í leggöngumLeitið til læknis
Sjaldgæfar aukaverkanir (<1%):
- Blæðing úr leggöngumLeitið til læknis
- GulaLeitið til læknis
- Útbrot, kláði, bjúgur og öndunarerfiðleikarLeitið strax til læknis
Nánari upplýsingar
Leitið ráða hjá heilbrigðisstarfsmanni áður en lyfið er notað ef:
- grunur leiki á um þungun eða að þú sért með barn á brjósti
- þú sért með langvarandi lifrar- eða nýrnasjúkdóm
- þú sért með ofnæmi fyrir virka efninu eða einhverju hjálparefnanna
- þú takir einhver önnur lyf
- þú sért með beinþynningu
MeðgangaLyfið má ekki nota á meðgöngu.
BrjóstagjöfLyfið má ekki nota samhliða brjóstagjöf.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur valdið þróttleysi og svefnhöfga. Ekki aka bíl fyrr en reynsla er komin á það hvaða áhrif lyfið hefur.
ÁfengiEykur líkur á lifrarskaða. Æskilegt er að halda áfengisneyslu í lágmarki meðan lyfið er tekið.
ÍþróttirBannað í og utan keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.