Evorel Sequi

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Evorel Sequi

Opna mína lyfseðla
Kvenhormón

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Estradíól, NoretísterónSkráð 1. ágúst 1999

Evorel Sequi inniheldur tvö virk efni, estradíól og noretísterón. Estradíól er hormón sem líkaminn framleiðir. Við tíðahvörf minnkar framleiðsla hormónanna estradíóls og prógesteróns og því fylgja ýmis óþægindi. Meðferð með Evorel Sequi miðar að því að vega upp hormónaskortinn og slá á einkenni af völdum tíðahvarfa. Hormónameðferð eftir tíðahvörf minnkar einnig líkur á beinþynningu þar sem estradíól stuðlar að eðlilegu viðhaldi beina. Lyfið er því líka gefið konum sem hætta er á að fái beinþynningu að tíðahvörfum loknum. Noretísterón er samtengt hormón með sömu áhrif í líkamanum og kvenhormónið prógesterón. Lyfið er gefið um húð í formi forðaplástra og berast hormónin því beint inn í blóðrásina. Evorel Sequi inniheldur tvær gerðir af plástrum, Evorel og Evorel Conti.

Notkun á lyfjum

LyfjaformForðaplástur á húð.
Venjulegar skammtastærðir1 plástur á húð 2svar í viku. Byrjað er á Evorel (gefur frá sér 50 míkrógrömm estradíól á sólarhring) í 2 vikur og síðan er Evorel Conti (gefur frá sér 50 míkrógrömm estradíól og 170 míkrógrömm noretísterón á sólarhring) notaður í 2 vikur.
Hversu langur tími uns verkun kemur framÁhrif koma fram á fyrsta mánuði meðferðar og einkenni hormónaskorts hverfa á nokkrum vikum eða mánuðum.
Verkunartími4 dagar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistSettu nýjan plástur á um leið og þú manst eftir honum og haltu síðan áfram að nota lyfið eins og venjulega. Ekki nota tvo plástra í einu. Ef plásturinn dettur af og límist ekki aftur á skaltu setja nýjan plástur af sömu gerð á sama stað og halda síðan áfram að nota lyfið eins og venjulega.
Hvernig á að hætta töku lyfsinsHætta skal notkun lyfsins í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef stórir skammtar eru notaðir eða ef vart verður við einhver óvenjuleg einkenni skal hafa samband við lækni.
LangtímanotkunÁn vandkvæða, en ráðlegt er að fara reglulega í eftirlit hjá lækni. Nánar ákveðið í samráði við lækni.

Aukaverkanir

Um 15-20% kvenna finna fyrir einhverjum aukaverkunum. Þær eru tíðari í upphafi meðferðar. Algengustu aukaverkanirnar eru roði og kláði undan plástri, spenna í brjóstum og blæðingatruflanir.

Algengar aukaverkanir (>1%):
  • Brjóstaspenna
    Leitið til læknis
  • Erting undan plástri
    Leitið til læknis
  • Háþrýstingur
    Leitið til læknis
  • Höfuðverkur, ógleði
    Leitið til læknis
  • Minnkuð kynhvöt
    Leitið til læknis
  • Náladofi
    Leitið til læknis
  • Óeðlilegar blæðingar
    Leitið til læknis
  • Útferð
    Leitið til læknis
  • Verkir
    Leitið til læknis
  • Þyngdaraukning, bjúgur
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Útbrot, kláði, öndunarerfiðleikar
    Leitið til læknis
  • Breytingar í brjóstum
    Leitið strax til læknis
  • Verkur í fótum, nára eða fyrir brjósti
    Leitið strax til læknis

Milliverkanir

Lyf sem auka áhrif lifrarensíma, t.d. sum flogaveikilyf eða sýklalyf, geta dregið úr virkni lyfsins. Jóhannesarjurt og ginseng geta haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • einhver í ættinni sé með sykursýki, hjarta- eða æðasjúkdóm
  • grunur leiki á um þungun eða að þú sért með barn á brjósti
  • þú sért með astma
  • þú sért með háan blóðþrýsting, hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með mígreni
  • þú sért með ofnæmi fyrir virka efninu eða einhverju hjálparefnanna
  • þú sért með rauða úlfa (lupus)
  • þú sért með sykursýki
  • þú hafir fengið krampa eða sért með flogaveiki
  • þú takir einhver önnur lyf
  • þú sért með blæðingar frá fæðingarvegi af óþekktum ástæðum
MeðgangaLyfið á ekki að nota á meðgöngu.
BrjóstagjöfLyfið á ekki að nota samhliða brjóstagjöf.
BörnLyfið er ekki ætlað börnum.
Eldra fólkTakmörkuð reynsla er af notkun lyfsins hjá konum eldri en 65 ára.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.