Vagifem

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Vagifem

Opna mína lyfseðla
Kvenhormón

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: EstradíólSkráð 1. janúar 1995

Estradíól er hormón sem líkaminn framleiðir. Eftir tíðahvörf hætta eggjastokkarnir að framleiða estradíól og prógesterón. Hormónameðferðin miðast að því að vega skortinn upp sem verður og að slá á einkenni sem eru samfara honum. Vagifem er notað staðbundið í leggöng og hefur aðeins áhrif á legslímhúðina en almenn áhrif þess eru lítil sem engin, t.d. á bein. Lyfið er ætlað konum við slímhúðarrýrnun í leggöngum vegna skorts á estrógeni eftir tíðahvörf.

Tafla 10 μg Legtafla

Notkun á lyfjum

LyfjaformLegtöflur í leggöng.
Venjulegar skammtastærðir1 legtafla (10 eða 25 míkrógrömm) daglega í upphafi meðferðar í 2 vikur og 2svar í viku eftir það.
Hversu langur tími uns verkun kemur framEkki að fullu þekkt.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Lyfið má ekki geyma í kæli.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsHætta skal uppbótarmeðferð eftir tíðahvörf í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef stórir skammtar eru teknir eða ef vart verður við einhver óvenjuleg einkenni skal hafa samband við lækni.
LangtímanotkunÁn vandkvæða en ráðlegt er að fara reglulega í skoðun, minnst árlega. Ákveðið nánar í samráði við lækni.

Aukaverkanir

Algengar aukaverkanir (>1%):
  • Bjúgur í brjóstum, brjóstastækkun, eymsli og spenna í brjóstum
    Leitið til læknis
  • Bjúgur í útlimum
    Leitið til læknis
  • Blæðing úr leggöngum
    Leitið til læknis
  • Höfuðverkur
    Leitið til læknis
  • Meltingartruflanir, vindgangur
    Leitið til læknis
  • Ógleði, kviðverkir, uppþemba
    Leitið til læknis
  • Sveppasýking í leggöngum, útferð
    Leitið til læknis
  • Uppköst, niðurgangur
    Leitið til læknis
Sjaldgæfar aukaverkanir (<1%):
  • Gula
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Jóhannesarjurt og ginseng geta haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með astma
  • þú sért með einhvern hjarta- eða æðasjúkdóm
  • þú sért með flogaveiki
  • þú sért með langvarandi lifrar- eða nýrnasjúkdóm
  • þú sért með mígreni
  • þú sért með ofnæmi fyrir virka efninu eða einhverju hjálparefnanna
  • þú sért með rauða úlfa (lupus)
  • þú sért með sykursýki
  • þú takir einhver önnur lyf
  • þú sért með blæðingar frá fæðingarvegi af óþekktum ástæðum
  • þú sért með porfýríu
  • þú hafir fengið gallsteina
  • þú hafir sögu um brjóstakrabbamein eða illkynja æxli
MeðgangaLyfið má ekki nota á meðgöngu.
BrjóstagjöfKonur með barn á brjósti mega ekki notað lyfið.
BörnLyfið er ekki ætlað börnum.
Eldra fólkLyfið hentar vel eldri konum. Takmörkuð reynsla er af notkun lyfsins fyrir konur eldri en 65 ára.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.