Hibitane

Klórhexidín er sýkladrepandi. Hér, í lyfinu Hibitane, er það notað til sótthreinsunar við legskoðanir og fæðingar. Efnið klórhexidín er einnig að finna í lyfjaformum sem gefin eru við tannholdsbólgu, til að hamla tannsteinsmyndun og að koma í veg fyrir sýkingar við aðgerðir í munni. Klórhexidín gagnast líka í hand- og líkamsþvotti fyrir aðgerðir.

---

Notkun á lyfi

Lyfjaform:
Legkrem.

Venjulegar skammtastærðir:
Legkremið er borið á kvensköp og hanska og tæki sem notað er við framkvæmdina.

Hversu langur tími líður uns verkun kemur fram:
Lyfið byrjar strax að virka.

Verkunartími:
Verkun varir í nokkrar klst. eftir notkun klórhexidíns.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá.

Ef skammtur gleymist:
Lyfið er venjulega ekki notað að staðaldri.

Hvernig á að hætta töku lyfsins:
Lyfið er venjulega ekki notað að staðaldri.

Ef tekinn er of stór skammtur:
Stórir skammtar útvortis ættu ekki að skapa vanda.

Langtímanotkun:
Klórhexidín er ekki ætlað til langtímanotkunar.

---

Aukaverkanir

Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru teknar.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Erting í húð
Útbrot og mikill kláði

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun
• þú sért með ofnæmi fyrir virka efninu eða einhverju hjálparefnanna

Meðganga:
Engin þekkt áhætta er af notkun lyfsins á meðgöngu. Ekki nota nein lyf á fyrstu 3 mánuðum meðgöngu nema í samráði við lækni.

Brjóstagjöf:
Lyfið berst í brjóstamjólk en í venjulegum skömmtum er ólíklegt að það hafi áhrif á barnið.

Börn:
Venjulegar skammtastærðir.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni.

Áfengi:
Áfengi hefur ekki áhrif á verkun lyfsins.

Íþróttir:
Leyft við æfingar og í keppni.

Annað:
Lyfið má ekki berast í augu eða eyru.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.