Nystatin Orifarm

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Nystatin Orifarm

Opna mína lyfseðla
Þarmasýkingalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: NýstatínSkráð 1. febrúar 2019

Nystatin Orifarm, sem inniheldur nýstatín, er sveppalyf með áhrif á margar tegundir sveppa, en þó er það helst notað við sýkingum af völdum svokallaðra hvítsveppa (Candida tegundir). Nystatin Orifarm er ætlað til notkunar við candidasveppasýkingum í munni og þörmum. Lyfið hefur ekki áhrif á sveppasýkingar í nöglum eða hársverði. Eftir inntöku dreifist nýstatín ekki um líkamann, heldur berst það óbreytt gegnum meltingarveginn.

Notkun á lyfjum

LyfjaformMixtúra
Venjulegar skammtastærðir1 ml í senn fjórum sinnum á sólarhring. Auka má skammtinn ef þarf. Venjulegur meðferðartími candidasýkingar í munni er 1-2 vikur. Mixtúruna á helst að taka inn eftir máltíð og halda í munninum eins lengi og kostur er áður en henni er kyngt. Gefa má ungbörnum mixtúruna í dropatali eða þynna hana með vatni og pensla sýkta svæðið. Hrista á glasið vel fyrir notkun.
Hversu langur tími uns verkun kemur fram1-3 sólarhringar.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við lægri hita en 25°C. Geymist þar sem börn hvorki ná til né sjá. Eftir að umbúðir hafa verið rofnar geymist lyfið í 2 mánuði.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið svo lengi sem læknir segir til um, jafnvel þó að einkenni sýkingarinnar séu horfin. Venjulega er lyfið notað áfram í 2-3 daga eftir að einkenni sýkingar eru horfin. Ef notkun lyfsins er hætt of snemma getur sýking aftur náð sér á strik.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Stakir skammtar sem eru litlu stærri en venjulega ættu ekki að skapa vanda.
LangtímanotkunÁn vandkvæða. Nýstatín er þó yfirleitt notað í skamman tíma.

Aukaverkanir

Aukaverkanir lyfsins eru fátíðar, en mjög stórir skammtar geta valdið ógleði, uppköstum og niðurgangi.

Sjaldgæfar aukaverkanir (<1%):
  • Útbrot, kláði, öndunarerfiðleikar
    Leitið strax til læknis

Milliverkanir

Milliverkanir við önnur lyf eru ekki þekktar.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnVenjulegar skammtastærðir.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðGulbrúnt glas, 100 ml með áltappa.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.