TNG-smyrsl

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

TNG-smyrsl

Opna mína lyfseðla
Barksterar húðlyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Gramicidín, Neómýcín, Nýstatín, Tríamcínólón_Skráð 1. apríl 2014

TNG-smyrsl er forskriftarlyf lækna. Það þýðir að ekki eru gerðar sömu kröfur um merkingu, klínískar rannsóknir eða fylgiseðil eins og til skráðra lyfja. Því eru engar upplýsingar um lyfið í Sérlyfjaskrá. TNG inniheldur blöndu fjögurra virkra efna, tríamcínólóns, nýstatíns, neómýcíns og gramicidíns. Tríamcínólón er svokallaður barksteri með bólgueyðandi, kláðastillandi og æðaþrengjandi verkun. Hann varnar myndun á efnum sem framkalla bólgur og virkja ónæmiskerfið og hann hefur sömu áhrif og svokallaðir sykursterar sem myndast í nýrnaberki. Sterar sem eru notaðir í húðlyf er oft skipt í 4 flokka eftir styrkleika. Tríamcínólón tilheyrir flokki 2, næstmildasta flokknum. Verkunartími þess er tiltölulega langur miðað við önnur skyld lyf. Nýstatín er sveppalyf og vinnur á móti mörgum tegundum sveppa og gersveppa. Neómýcín og gramicidín eru sýklalyf, virk gegn mörgum tegundum baktería.

Notkun á lyfjum

LyfjaformÚtvortis, smyrsli
Venjulegar skammtastærðirNotist samkvæmt leiðbeiningum frá lækni
Hversu langur tími uns verkun kemur framMisjafnt eftir ástandi sjúklings.
VerkunartímiEkki þekkt.
GeymslaGeymið við stofuhita þar sem börn ná hvorki til né sjá.
Ef tekinn er of stór skammturHafið samband við lækninn eða eitrunardeild Landspítalans í síma 543 2222.
LangtímanotkunLyf með líku innihaldi eru eingöngu ætluð til skammtímanotkunar. Langtímanotkun húðlyfja sem innihalda stera getur valdið húðþynningu og meiri hætta er á að aðrar aukaverkir lyfsins komi fram.

Aukaverkanir

Lyfið hefur ekki verið rannsakað með tilliti til aukaverkana. Ofnæmi fyrir neómýcíni getur valdið krossofnæmi fyrir öðrum skyldum sýklalyfjum. Leitaðu strax til læknis ef vart verður aukaverkana. Eftirfarandi aukaverkanir eru taldar hugsanlegar en listinn er ekki tæmandi.

Sjaldgæfar aukaverkanir (<1%):
  • Húðþynning
    Leitið strax til læknis
  • Almenn steraáhrif
    Leitið strax til læknis
  • Ofnæmi, jafnvel ofnæmislost
    Leitið strax til læknis
  • Sýking í húð
    Leitið strax til læknis
  • Útbrot og mikill kláði
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • hvort þú sért með sykursýki
  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með magasár
  • þú sért með ofnæmi fyrir einhverjum lyfjum
  • þú takir einhver önnur lyf
  • þú sért með berkla
MeðgangaEkki hafa verið gerðar neinar rannsóknir á þessu lyfi. Nokkur hætta er á því að lyfið hafi áhrif á fóstur. Því ætti ekki að nota lyfið á meðgöngu.
BrjóstagjöfEkki er vitað hvort lyfið berst í brjóstamjólk. Því ætti ekki að nota lyfið samhliða brjóstagjöf.
ÍþróttirInnihaldsefnin eru ekki bönnuð við æfingar og í keppni.
AnnaðTNG er forskriftarlyf lækna og því eru engar upplýsingar um lyfið í Sérlyfjaskrá.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.