Sefitude

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Sefitude

Opna mína lyfseðla
Svefnlyf og róandi lyf

Lausasölulyf

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Valeriana officinalis (Garðabrúðurótarútdráttur)Skráð 1. júní 2018

Jurtalyfið Sefitude frá Florealis er eina lyfið á Íslandi við svefntruflunum og vægum kvíða sem fæst án lyfseðils í apótekum. Lyfið inniheldur útdrátt úr garðabrúðurót (Valeriana) en róandi áhrif jurtarinnar hafa lengi verið viðurkennd og staðfest í klínískum samanburðarrannsóknum. Jurtalyfið getur stytt tímann sem það tekur að sofna og bætt svefngæði. Sefitude er tekið inn að kvöldi og hjálpar viðkomandi að róast og sofna. Til að ná ákjósanlegum áhrifum er mælt með samfelldri notkun í 2-4 vikur. Sefitude er hvorki sljógvandi né ávanabindandi og má nota allt frá 12 ára aldri.

Notkun á lyfjum

LyfjaformTöflur til inntöku.
Venjulegar skammtastærðirVið vægum kvíða: Fullorðnir 1 tafla 3svar á dag. 12-18 ára 1 tafla 2svar á dag. Við svefntruflunum: Fullorðnir og ungmenni 12 ára og eldri 1 tafla 0,5-1 klst fyrir svefn, 1 auka tafla fyrr að kvöldi ef þörf krefur.
Hversu langur tími uns verkun kemur framInnan við 1 klst. Lyfið skal taka reglulega í 2-4 vikur til að ná sem bestri virkni.
Þörf á að breyta mataræði meðan lyfið er tekiðEngin þekkt áhrif.
GeymslaGeymið við lægri hita en 30°C. Geymið lyfið þar sem börn hvorki ná til né sjá.
Ef skammtur gleymistTaka næsta skammt eins og venjulega, ekki á að tvöfalda skammt til að bæta upp skammt sem hefur gleymst.
Hvernig á að hætta töku lyfsinsHætta má töku lyfs hvenær sem er.
Ef tekinn er of stór skammturEf tekin er stærri skammtur (ef teknar hafa verið fleiri töflur en þú áttir að gera) eru einkenni þreyta, magaverkir, þyngsli fyrir brjósti, svimi, handskjálfti og útvíkkuð sjáöldur. Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða læknavakt. Jafnframt er hægt að hringja í eftirfarandi símanúmer: Eitrunarmiðstöð (sími 543 2222).

Aukaverkanir

Lyfið getur valdið óþægindum í meltingarvegi (eins og ógleði og magaverkjum). Tíðni ekki þekkt.

Milliverkanir

Engar milliverkanir eru þekktar.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með ofnæmi fyrir virka efninu eða einhverju hjálparefnanna
  • þú sért með frúktósaóþol
MeðgangaEkki skal nota lyfið meðan á þungun stendur þar sem öryggi þess hefur ekki verið staðfest.
BrjóstagjöfEkki skal nota lyfið meðan á brjóstagjöf stendur þar sem öryggi þess hefur ekki verið staðfest.
BörnLyfið er ekki ráðlagt börnum yngri en 12 ára.
AksturSefitude getur dregið úr hæfni til aksturs og notkunar véla. Sjúklingar sem verða fyrir áhrifum eiga ekki að keyra eða nota vélar.
ÁfengiÁhrif áfengis á verkun Sefitude hefur ekki verið rannsökuð.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.