Maxidex
Augnlyf
Lyfseðilsskylt
Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Dexametasón_Skráð 1. janúar 1977
Dexametasón er svokallaður barksteri sem hefur sömu áhrif og sterahormón sem eru framleidd í nýrnahettunum. Dexametasón bælir myndun efna sem framkalla bólgu og virkja ónæmiskerfið og er því notað við bólgum og ofnæmiseinkennum. Maxidex er notað gegn bólgusjúkdómum og kláða í augum og hvörmum, einkum af völdum ofnæmis og líka eftir áverka. Sérstakrar varúðar skal gæta við notkun lyfsins ef augnsýkingar eru til staðar.
Notkun á lyfjum
LyfjaformAugndropar.
Venjulegar skammtastærðir1-2 dropar í auga á ½-6 klst. fresti. Hristið glasið fyrir notkun.
Hversu langur tími uns verkun kemur framMisjafnt eftir ástandi sjúklings.
VerkunartímiMisjafn eftir ástandi sjúklings.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Augndropana skal nota innan 4ra vikna frá því að innri umbúðir eru opnaðar.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsHafi lyfið verið notað í stuttan tíma við tilfallandi einkennum er óhætt að hætta notkun þess þegar einkennin eru ekki lengur til staðar. Í öðrum tilfellum skal hafa samband við lækni áður en notkun lyfsins er hætt.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunVið langvarandi notkun getur augnþrýstingur hækkað. Meðferð sem stendur í meira en 1-2 vikur skal vera undir eftirliti læknis.
Aukaverkanir
Aukaverkanir eru tíðari eftir því sem lyfið er notað í lengri tíma.
Algengar aukaverkanir (>1%):
- Erting og sviði í augaLeitið til læknis
Sjaldgæfar aukaverkanir (<1%):
- Sýking í augaLeitið strax til læknis
- Verkir í augum, sjóntruflanirLeitið strax til læknis
Milliverkanir
Engar milliverkanir eru þekktar við þetta lyfjaform. Ef önnur staðbundin augnlyf eru notuð samtímis, þurfa að líða a.m.k. 15 mín. á milli ídreypinga.
Nánari upplýsingar
Leitið ráða hjá heilbrigðisstarfsmanni áður en lyfið er notað ef:
- grunur leiki á um þungun eða að þú sért með barn á brjósti
- þú sért með ofnæmi fyrir virka efninu eða einhverju hjálparefnanna
- þú takir einhver önnur lyf
- þú sért með augnsýkingu
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnUpplýsingar liggja ekki fyrir um notkun hjá börnum.
Eldra fólkVenjulegar skammtastærðir.
AksturEins og á við um önnur augnlyf getur notkun augndropa valdið tímabundnum sjóntruflunum.
ÁfengiÁfengi hefur ekki áhrif á verkun lyfsins.
ÍþróttirLeyft við æfingar og í keppni.
AnnaðAugndroparnir innihalda rotvarnarefni sem getur skemmt mjúkar augnlinsur.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.