Maxitrol

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Maxitrol

Opna mína lyfseðla
Augnlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Dexametasón_, Neómýcín, Pólýmýxín BSkráð 1. júlí 1990

Maxitrol inniheldur þrjú virk efni, dexametasón, neómýcín og pólýmýxín B. Dexametasón er steri sem hefur sömu áhrif og sterahormón sem eru framleidd í nýrnahettunum. Dexametasón bælir myndun efna sem framkalla bólgu og virkja ónæmiskerfið og er því notað við bólgum og ofnæmiseinkennum. Neómýcín er breiðvirkt sýklalyf. Það tilheyrir flokki sýklalyfja sem kallast amínóglýkósíðar. Lyf í þessum flokki hafa áhrif á margar bakteríutegundir sem önnur sýklalyf vinna ekki á. Pólýmýxín B er einnig sýklalyf sem tilheyrir flokki fjölpeptíða og hefur áhrif á vissar tegundir baktería. Maxitrol er notað við bólgusjúkdómum í augum vegna ertingar eða ofnæmis, og þegar bakteríusýking er einnig til staðar.

Notkun á lyfjum

LyfjaformAugndropar.
Venjulegar skammtastærðir1-2 dropar í auga 4-6 sinnum á dag. Hristið glasið vel fyrir notkun.
Hversu langur tími uns verkun kemur framMisjafnt eftir ástandi sjúklings.
VerkunartímiMisjafn eftir ástandi sjúklings.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Nota skal lyfið innan 4ra vikna frá því að innri umbúðir eru opnaðar.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið svo lengi sem læknir hefur sagt fyrir um.
Ef tekinn er of stór skammturStakir skammtar sem eru litlu stærri en venjulega ættu ekki að valda óþægindum. Ef stórir skammtar eru notaðir eða ef vart verður við óvenjuleg einkenni skal hafa samband við lækni.
LangtímanotkunLyfið er aðeins notað í skamman tíma í senn við tilfallandi sýkingum.

Aukaverkanir

Algengar aukaverkanir (>1%):
  • Erting og sviði í auga
    Leitið til læknis
Sjaldgæfar aukaverkanir (<1%):
  • Sýking í auga
    Leitið strax til læknis
  • Verkir í augum, sjóntruflanir
    Leitið strax til læknis

Milliverkanir

Engar milliverkanir eru þekktar við þetta lyfjaform. Ef önnur staðbundin augnlyf eru notuð samtímis, þurfa að líða a.m.k. 5 mín. á milli ídreypinga.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnVenjulegar skammtastærðir.
Eldra fólkVenjulegar skammtastærðir.
AksturEins og á við um önnur augnlyf getur notkun augndropa valdið tímabundnum sjóntruflunum.
ÁfengiÁfengi hefur ekki áhrif á verkun lyfsins.
ÍþróttirLeyft við æfingar og í keppni.
AnnaðRotvarnarefni í augndropunum getur skemmt mjúkar augnlinsur.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.