Lyfja opnar á Akureyri

Lyfja hefur opnað nýja verslun á Akureyri ásamt því að Heilsuhúsið opnar í Lyfju í breyttri mynd. 

Akureyri2

Lyfja á Akureyri býður upp á gott vöruúrval, hjúkrunarþjónusta er í boði í apótekinu og viðskiptavinir geta fengið heimsendingar á lyfseðilsskyldum lyfjum í gegnum Lyfju appið án aukakostnaðar. Opið er virka daga frá 9 – 18:30 og á laugardögum frá 11 – 16.

Hjúkrunarþjónusta Lyfju á Akureyri hentar sérstaklega þeim sem vilja spara tíma, en viðskiptavinir þurfa ekki að panta fyrirfram. Hjúkrunarfræðingur hjá Lyfju veitir ráðgjöf við val á vörum, sinnir heilsufarsmælingum og sprautugjöf, fjarlægir sauma og aðstoðar við sáraumbúðaskipti svo að eitthvað sé nefnt. Hjúkrunarþjónustan er opin alla virka daga frá 9 – 13.

Lyfja á Akureyri býður upp á gott vöruúrval. Til dæmis mikið úrval af húðlækningavörum sem geta hjálpað til við unglingabólur, exem, rósroða og önnur þekkt húðvandamál. Einnig er hægt að kaupa DNA-sjálfspróf sem Lyfja býður í samvinnu við alþjóðlega fyrirtækið MyHeritage, en prófin gera viðskiptavinum kleift að kanna bakgrunn sinn og áhættu á ákveðnum sjúkdómum. Um tvenns kon­ar próf er að ræða. Annað prófið seg­ir til um upp­runa og hjálp­ar fólki að kanna ætt­fræðileg­an bak­grunn sinn, hitt prófið, „DNA and Health“, seg­ir til um upp­runa og gena­tíska áhættu þess að fólk þrói með sér ákveðin heilsu­far­svanda­mál eða sjúk­dóma. Heilsuhúsið, sem nú er staðsett er inni í verslun Lyfju, auðveldar viðskiptavinum val á heilsusamlegum og umhverfisvænum hreinlætis- og snyrtivörum. Vörur Heilsuhússins eru þekktar fyrir að vera náttúrulegar, hreinar og án aukaefna.

Lyfju appið er nú í boði á Akureyri, en appið er fyrsta sinnar tegundar á Íslandi. Markmið þess er að auðvelda kaup á lyfjum á sem öruggastan máta. Í Lyfju appinu geta viðskiptavinir gengið sjálfvirkt frá kaupum á lyfjum og fengið þau send heim án aukakostnaðar. Einnig geta viðskiptavinir valið að sækja pantanir í Lyfju á Akureyri með flýtiafgreiðslu.

"Við erum mjög spennt fyrir opnun Lyfju á Akureyri og munum bjóða upp á hjúkrunarþjónustu, sem ekki hefur verið í boði í apóteki á Akureyri til þessa. Einnig hefur notkunin á Lyfju appinu verið stöðugt að aukast og geta Akureyringar nú pantað lyf í gegnum appið og fengið heimsent án þess að greiða aukalega fyrir heimsendinguna."

- Ingvar Þór Guðjónsson lyfsali hjá Lyfju Akureyri

"Við höldum áfram að bjóða sérfræðiþekkingu úr Heilsuhúsinu, en verðum nú í Lyfju. Þessi sameining færir okkur á stað þar sem lögð er áhersla á heildræna heilsu. Við erum spennt fyrir verkefninu og vonumst til að sjá sem flesta kíkja í heimsókn."

- Ragnheiður Kristín Guðmundsdóttir umsjónarmaður Heilsuhússins á Akureyri.


Akuryeir