Citanest Dental Octapressin

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Citanest Dental Octapressin

Opna mína lyfseðla
Staðdeyfilyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Felýpressín, PrílókaínSkráð 1. desember 1983

Citanest Dental Octapressin er notað til staðdeyfingar og leiðsludeyfingar við tannlækningar. Prílókaín er dæmigert staðdeyfilyf sem hindrar taugaboð. Felýpressín er æðaherpandi efni og takmarkar blóðflæði um stungustað. Staðdeyfilyf verka almennt með því að hindra myndun og flutning taugaboða um taugar og taugaenda. Almennt gildir um staðdeyfilyf að sársauki hverfur áður en tilfinning og hreyfigeta hverfa en það er háð lyfinu sem er notað og hvar það er gefið.

Notkun á lyfjum

LyfjaformStungulyf.
Venjulegar skammtastærðirLæknir metur skammtastærðir út frá gerð deyfingar og líkamsástandi sjúklings.
Hversu langur tími uns verkun kemur fram2-5 mín.
VerkunartímiAð meðaltali 45 mín. eftir staðbundna deyfingu en a.m.k. 2 klst. eftir leiðsludeyfingu.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistLyfið er ekki notað að staðaldri.
Hvernig á að hætta töku lyfsinsLyfið er ekki notað að staðaldri.
Ef tekinn er of stór skammturHafa skal strax samband við lækni. Við ofskömmtun með prílókaíni sjást einkenni frá heila, hjarta og æðakerfi. Meðferð er eftir einkennum. Stórir skammtar af felýpressíni geta hækkað blóðþrýsting og valdið hjartaöng.
LangtímanotkunCitanest Dental Octapressin er almennt ekki notað nema í stuttan tíma í senn.

Aukaverkanir

Sjaldgæfar aukaverkanir (<1%):
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Lyfið getur haft áhrif á ákveðin lyf við hjartsláttaróreglu.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaEngin þekkt áhætta er af notkun lyfsins á meðgöngu. Ekki nota nein lyf á fyrstu 3 mánuðum meðgöngu nema í samráði við lækni.
BrjóstagjöfPrílókaín berst í brjóstamjólk en í venjulegum skömmtum er ólíklegt að það hafi áhrif á barnið. Ekki er vitað hvort felýpressín berst í brjóstamjólk.
BörnSkammtar eru háðir gerð deyfingar og líkamsástandi.
Eldra fólkSkammtar eru háðir gerð deyfingar og líkamsástandi.
AksturLyfið hefur ekki áhrif á aksturshæfni, fáið upplýsingar hjá lækni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.