Famvir

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Famvir

Opna mína lyfseðla
Veirusýkingalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: FamcíklóvírSkráð 1. október 1995

Famvir inniheldur famcíklóvír. Famcíklóvír er forlyf pencíklóvírs (breytist í pencíklóvír í líkamanum eftir inntöku) og er notað við ristli, þar með talinn ristill í auga. Ristill einkennist af sársaukafullum smáblöðrum af völdum hlaupabóluristilveiru. Ristill er endurvakning á hlaupabóluveirunni, venjulega mörgum árum eftir að einstaklingur hafði hlaupabólu. Famcíklóvír er einnig notað við áblæstri á kynfærum. Lyfið er notað til að bæla endurtekinn áblástur á kynfærum.

Tafla 125 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðir125-500 mg í senn 2-3svar á dag.
Hversu langur tími uns verkun kemur framHámarksþéttni í blóði kemur fram eftir um 45 mín.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Taktu síðan það sem eftir er af dagskammtinum með reglulegu millibili. Ekki taka tvo skammta í einu.
Hvernig á að hætta töku lyfsinsTaktu lyfið svo lengi sem læknir segir til um eða ljúktu við skammtinn sem var úthlutaður, jafnvel þótt einkenni sýkingarinnar séu ekki lengur til staðar. Annars er hætta á því að sýkingin nái sér aftur á strik.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunLyfið er ekki notað að staðaldri.

Aukaverkanir

Um 7% sjúklinga finna fyrir höfuðverk og 4% fyrir ógleði.

Algengar aukaverkanir (>1%):
  • Aukin svitamyndun, hiti
    Leitið til læknis
  • Höfuðverkur
    Leitið til læknis
  • Kviðverkir, hægðatregða
    Leitið til læknis
  • Ógleði, uppköst, niðurgangur
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Ofskynjanir, rugl
    Leitið til læknis
  • Útbrot og mikill kláði
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur valdið syfju. Ekki aka bíl fyrr en reynsla er komin á það hvaða áhrif lyfið hefur.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.