Nyxoid

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Nyxoid

Opna mína lyfseðla
Önnur lyf, ýmis konar

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: NaloxónSkráð 1. mars 2020

Nyxoid inniheldur virka efnið naloxón. Naloxón er mótefni gegn opíóíðalyfjum eins og morfín, fentanýl, oxykódon, heróín, metadón og búprenorfín. Naloxón hefur mikla sækni í ópíóíðviðtaka og ryður í burtu og kemur í veg fyrir að ópíóíðarnir nái að bindast og valda verkjun. Lyfið stöðvar verkun ópíóíða tímabundið og kemur ekki í staðinn fyrir bráðaþjónustu læknis. Lyfið er notað sem neyðarlyf og er notað tafarlaust við ofskömmtun ópíóíða eða hugsanlegri ofskömmtun ópíóíða hjá fullorðnum og unglingum 14 ára og eldri. Einkenni ofskömmtunar geta verið öndunarerfiðleikar, alvarleg syfja og að bregðast ekki við miklum hávaða eða snertinu.

Notkun á lyfjum

LyfjaformNefúði
Venjulegar skammtastærðirEf grunur leikur á ofskömmtun ópíóíða skal hringja strax í neyðaraðstoð (sími: 112). Síðan er 1 úði gefinn í aðra nösina. Lyfið inniheldur aðeins 1 skammt og því má ekki úða lyfinu áður en skammturinn er gefinn. Ef sjúklingur sýnir engann bata eða einkennin hafa komið aftur eftir að nefúðinn var gefinn skal gefa annan skammt 2-3 mínútum síðar og þá í hina nösina og úr öðru nefúðaíláti.
Hversu langur tími uns verkun kemur framMjög skjót verkun.
VerkunartímiSkammvirkt.
GeymslaGeymið þar sem börn hvorki ná til né sjá. Lyfið má ekki frjósa.
Ef skammtur gleymistLyfið er aðeins notað sem neyðarlyf.
Hvernig á að hætta töku lyfsinsLyfið er aðeins notað sem neyðarlyf.
Ef tekinn er of stór skammturEkki er búist við að lyfið valdi ofskömmtun.
LangtímanotkunLyfið er aðeins notað sem neyðarlyf.

Aukaverkanir

Lyfið getur valdið bráðum fráhvarfseinkennum ef þú ert háður ópíóíðlyfjum.

Algengar aukaverkanir (>1%):
  • Aukin svitamyndun, skjálfti
    Leitið til læknis
  • Hiti, slappleiki, höfuðverkur
    Leitið til læknis
  • Ógleði
    Leitið til læknis
  • Hraður hjartsláttur, hár blóðþrýstingur
    Leitið strax til læknis
Sjaldgæfar aukaverkanir (<1%):
  • Ógleði, uppköst, niðurgangur
    Leitið til læknis
  • Breytingar á hegðun eða skapferli
    Leitið strax til læknis
  • Kviðverkir, magaóþægindi, magakrampar
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Lyfið er mótefni gegn ópíóíðum og þegar lyfið er gefið getur það valdið fráhvarfseinkennum hjá sumum einstaklingum. Vegna blokkandi eiginleika getur lyfið dregið úr verkjastillingu ópíóíða þegar það er notað sem verkjalyf.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaLátið ljósmóður eða lækni vita ef þér hefur verið gefið Nyxoid rétt fyrir eða þegar þú ert komin af stað í fæðingu. Ekki eru nægilegar uppslýsingar fyrir hendi um notkun lyfsins á meðgöngu.
BrjóstagjöfLátið lækni vita ef þér hefur verið gefið Nyxoid á meðan á brjóstagjöf stendur. Ekki er vitað hvort lyfið berst í brjóstamjólk.
BörnLyfið er ekki ætlað börnum eða unglingum yngri en 14 ára.
Eldra fólkVenjulegar skammtastærðir
AksturEkki má aka bifreið að minnsta kosti í 24 klst eftir að hafa tekið lyfið.
ÁfengiEkki drekka áfengi ef lyfið hefur verið notað.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.