Oxycodone/Naloxone Alvogen

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Oxycodone/Naloxone Alvogen

Opna mína lyfseðla
Verkjalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Oxýkódon, NaloxónSkráð 1. nóvember 2019

Oxycodone/Naloxone Alvogen er notað við miklum eða mjög miklum verkjum en er ekki ætlað til að meðhöndla bráðaverki. Lyfið inniheldur oxýkódonhydróklóríð, sem er flokkað sem náttúrulegur ópíumalkalóíði, og naloxónhýdróklóríð. Lyfið hefur áhrif á miðtaugakerfið og hindrar að sársaukaboð berist þangað. Það hefur aðallega verkjastillandi og róandi áhrif. Auk þessara áhrifa getur lyfið dregið úr hósta. Ávanahætta er nokkur og sé lyfið notað til langs tíma getur myndast þol við áhrifum þess. Oxycodone/Naloxone Alvogen er forðatafla sem inniheldur líka Naloxón til að draga úr hægðatregðu sem er ein af aukaverkunum ópíum alkalóíða.

Notkun á lyfjum

LyfjaformForðatöflur til inntöku.
Venjulegar skammtastærðirSkammtar eru einstaklingsbundnir og háðir aldri, því hversu miklir verkirnir eru og fyrri notkun verkjalyfja. Töflurnar gleypist heilar með vatnsglasi en ef það er deiliskora má skipta töflunni í tvo jafna skammta. Má hvorki mylja þær né tyggja.
Hversu langur tími uns verkun kemur fram1-1½ klst.
VerkunartímiUm 12 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu skammtinn sem fyrst og haltu síðan áfram að taka lyfið með sama millibili og áður frá þessum skammti. Ekki taka tvo skammta í einu.
Hvernig á að hætta töku lyfsinsEf ástæður eru ekki lengur fyrir hendi fyrir því að lyfið var upphaflega gefið má hætta töku þess. Hafi lyfið verið tekið í langan tíma eða í stórum skömmtum gætu komið fram fráhvarfseinkenni þegar töku þess er hætt. Hafðu samband við lækni.
Ef tekinn er of stór skammturHafðu samband við lækni sem fyrst. Ef öndun er hæg eða óregluleg eða ef meðvitund skerðist þarf að koma sjúklingi strax til læknis. Við ofskömmtun geta komið fram agnarsmá sjáöldur, öndunarbæling og lágur blóðþrýstingur. Í alvarlegri tilfellum geta komið fram truflanir í æðakerfi og djúpt dá. Meðferð byggist á því að opna öndunarveg og veita öndunaraðstoð. Við mikla ofskömmtun er mótefnið naloxón gefið í æð. Eitrunarmiðstöð sími:543 2222
LangtímanotkunOxycodone/Naloxone Alvogen skal ekki gefa lengur en bráða nauðsyn ber til. Ef þörf er á langtímameðferð skal fylgjast vel og reglulega með sjúklingnum til að ákvarða frekari meðferð.

Aukaverkanir

Öndunarbæling er ein alvarlegasta aukaverkun lyfsins og er líklegri hjá öldruðum og mikið veikum sjúklingum.

Algengar aukaverkanir (>1%):
  • Breytingar í skapi, virkni og vitsmunum
    Leitið til læknis
  • Kviðverkir, niðurgangur og hægðatregða
    Leitið til læknis
  • Munnþurrkur
    Leitið til læknis
  • Náladofi
    Leitið til læknis
  • Ógleði, uppköst, meltingartruflanir
    Leitið til læknis
  • Öndunarerfiðleikar
    Leitið til læknis
  • Ropi, hiksti, lystarleysi
    Leitið til læknis
  • Slævandi verkun
    Leitið til læknis
  • Svefndrungi, sundl eða höfuðverkur
    Leitið til læknis
  • Svimi þegar staðið er upp
    Leitið til læknis
  • Sviti og hrollur
    Leitið til læknis
  • Útbrot og mikill kláði
    Leitið til læknis
  • Þróttleysi, svefnleysi
    Leitið til læknis
  • Þvagtregða, aukin tíðni þvagláta
    Leitið til læknis
Sjaldgæfar aukaverkanir (<1%):
  • Krampar
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Róandi lyf, svefnlyf, þunglyndislyf, sefandi lyf, sum ofnæmislyf, uppsölulyf og aðrir ópíóíðar eða áfengi, geta eflt aukaverkanir, einkum öndunarbælingu. Sefandi lyf og sum ofnæmislyf, uppsölulyf og parkinsonslyf geta aukið á andkólínvirkar aukaverkanir, svo sem hægðatregðu, munnþurrk eða truflanir á þvaglátum. Náttúrulyfin Jóhannesarjurt og valeriana geta aukið sefandi áhrif lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með Addisonssjúkdóm
  • þú sért með bólgusjúkdóm í þörmum
  • þú sért með hjartasjúkdóm
  • þú sért með lungnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með skerta lifrar- eða nýrnastarfsemi
  • þú sért með stækkaðan blöðruhálskirtil
  • þú sért með vanvirkan skjaldkirtil
  • þú hafir einhvern tíma misnotað áfengi eða lyf
  • þú takir einhver önnur lyf
  • þú sért með flogaveiki eða hafir fengið flog
  • þú eigir vanda til þess að fá blóðþrýstingsfall
  • þú sért með aukinn heilaþrýsting
  • þú sért með eða hefur fengið brisbólgu
  • þú sért með þarmalömun
MeðgangaLyfið getur haft áhrif á fóstur og/eða nýbura.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum yngri en 18 ára.
Eldra fólkSkammtar eru einstaklingsbundnir.
AksturHafa skal samráð við lækni um það hvort leyfilegt sé að aka bíl vegna þess að lyfið getur skert hæfni til aksturs.
ÁfengiGetur aukið á aukaverkanirnar, einkum öndunarbælingu. Ekki neyta áfengis meðan lyfið er tekið.
ÍþróttirBannað í keppni.
FíknarvandamálOxycodone/Naloxone Alvogen getur verið vanabindandi. Ávanahætta er meiri eftir því sem skammtar eru stærri eða lyfið er notað í lengri tíma og hjá þeim sem hafa tilhneigingu til misnotkunar lyfja eða áfengis.
AnnaðTóma stoðgrind (forðataflan eftir að lyfið hefur losnað úr henni) má finna í hægðum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.