Taflotan

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Taflotan

Opna mína lyfseðla
Glákulyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: TaflúprostSkráð 1. júní 2010

Taflotan er notað við gláku. Gláka stafar af ójafnvægi milli framleiðslu á augnvökva og frárennslis hans, með þeim afleiðingum að vökvinn safnast fyrir og þrýstingur í auganu hækkar. Þegar þrýstingurinn hækkar geta æðar til sjónhimnu þrengst og blóðflæði um þær minnkað. Ef ekki er brugðist við í tíma getur það valdið skemmdum í sjónhimnunni og jafnvel blindu. Gláka er flokkuð í tvær tegundir, þrönghorns- og gleiðhornsgláku, eftir því hvernig frárennsli augnvökvans er hindrað. Taflotan er notað við háum augnþrýstingi og gleiðhornsgláku.

Notkun á lyfjum

LyfjaformAugndropar.
Venjulegar skammtastærðir1 dropi í auga einu sinni á dag, helst að kvöldi.
Hversu langur tími uns verkun kemur fram3-4 klst.
VerkunartímiA.m.k. 24 klst.
Þörf á að breyta mataræði meðan lyfið er tekiðEngin.
GeymslaGeymt í kæli (2°C-8°C) en eftir að búið er að opna þynnupokann: Geymið stakskammtaílátin í upprunalega þynnupokanum. Geymið ekki við hærri hita en 25°C. Fargið ónotuðum stakskammtaílátum þegar 28 dagar eru liðnir frá því að þynnupokinn var fyrst opnaður. Fargið stakskammtaíláti sem hefur verið opnað ásamt lausnarleifum strax eftir notkun. Ekki má skola lyfjum niður í frárennslislagnir eða fleygja þeim með heimilissorpi. Skilið notuðum stakskammtaílátum í með leyfum af lyfinu í apótek.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).
LangtímanotkunFylgjast þarf reglulega með augnþrýstingi til að meta áhrif lyfsins.

Aukaverkanir

Algengar aukaverkanir (>1%):
  • Erting í augum, roði í augum
    Leitið til læknis
  • Litabreytingar í lithimnu
    Leitið til læknis
Sjaldgæfar aukaverkanir (<1%):
  • Roði og bólga í augum eða augnlokum
    Leitið til læknis
  • Útbrot
    Leitið til læknis
  • Verkur fyrir brjósti, mæði
    Leitið strax til læknis

Milliverkanir

Engar nákvæmar upplýsingar liggja fyrir um milliverkanir. Ef önnur staðbundin augnlyf eru notuð samtímis, þurfa að líða a.m.k. 5 mín. á milli ídreypinga.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með astma
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú notir augnlinsur
MeðgangaEkki má nota lyfið á meðgöngu.
BrjóstagjöfLyfið getur borist í brjóstamjólk. Konur með barn á brjósti eiga ekki að nota lyfið.
BörnLyfið er ekki ætlað börnum.
Eldra fólkVenjulegar skammtastærðir.
AksturTaflotan hefur engin áhrif á hæfni til aksturs og notkunar véla. Þú getur fundið fyrir þokusýn um stund rétt eftir að Taflotan hefur verið sett í augað. Ekki á að stunda akstur eða nota verkfæri eða vélar fyrr en sjónin er orðin skýr.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðRotvarnarefni í augndropunum geta skemmt mjúkar augnlinsur. Fjarlægja skal augnlinsur fyrir notkun og þær má setja í að nýju 15 mín. síðar.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.