Fixopost

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Fixopost

Opna mína lyfseðla
Glákulyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Latanóprost, TímólólSkráð 1. janúar 2020

Fixopost er notað við gláku. Gláka stafar af ójafnvægi milli framleiðslu augnvökva og frárennslis hans, vökvinn safnast fyrir og þrýstingur í auganu hækkar. Þegar þrýstingurinn hækkar geta æðar til sjónhimnu þrengst og blóðflæði minnkað um þær. Ef ekki er brugðist við í tíma getur það valdið skemmdum í sjónhimnunni og jafnvel blindu. Gláka er flokkuð í tvær tegundir, þrönghorns- og gleiðhornsgláku, eftir því hvernig frárennsli augnvökvans er hindrað. Mismunandi lyf geta átt við eftir því um hvora tegundina er að ræða. Fixopost er notað við gleiðhornsgláku eða við háan augnþrýsting og inniheldur tvö virk efni, latanóprost og tímólól. Latanóprost eykur frárennsli augnvökva og lækkar þannig augnþrýsting í auganu. Tímólól lækkar hins vegar augnþrýsting með því að draga úr framleiðslu augnvökva. Með því að nota þessi tvö virku efni saman eins og hér er gert má ná fram enn frekari lækkun á augnþrýstingi. Lyfið er notað við gláku þegar meðferð með tímólól eingöngu hefur ekki gefið fullnægjandi árangur.

Notkun á lyfjum

LyfjaformAugndropar.
Venjulegar skammtastærðir1 dropi í auga einu sinni á dag.
Hversu langur tími uns verkun kemur framInnan við 1 klst. hámarksverkun næst innan 6-8 klst.
VerkunartímiAllt að 24 klst.
Þörf á að breyta mataræði meðan lyfið er tekiðEngin.
GeymslaÓnotuð stakskammtaílát geymis í pokanum, varið ljósi, þar sem börn hvorki ná til né sjá. Eftir að stakskammtaílátið er opnað skal nota það strax og farga með viðeigandi hætti eftir notkun. Eftir að pokinn er opnaður skal nota stakskammtaílátin innan 1 mánaðar.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturEf of margir dropar eru settir í auga getur lítilsháttar erting í auganu komið fram og augun geta fyllst af táravökva og orðið rauð. Þetta ástand gengur til baka en ef þetta veldur áhyggjum ætti að hafa samband við lækninn. Ef of stór skammtur af lyfinu hefur verið notaður eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).
LangtímanotkunFylgjast þarf reglulega með augnþrýstingi til að meta áhrif lyfsins.

Aukaverkanir

Eins og önnur lyf sem notuð eru í augu berst Fixopost (latanoprost og timolol) í blóð. Tíðni aukaverkana eftir notkun augndropa er minni en eftir til dæmis lyf til inntöku eða lyf gefin í æð.

Algengar aukaverkanir (>1%):
  • Litabreytingar í lithimnu
    Leitið til læknis
  • Roði og bólga í augum eða augnlokum
    Leitið til læknis
  • Sjóntruflanir, erting í augum, roði í augum
    Leitið til læknis
Sjaldgæfar aukaverkanir (<1%):
  • Lítill blóðsykur
    Leitið til læknis
  • Útbrot
    Leitið til læknis
  • Hjartsláttartruflanir, hægur hjartsláttur
    Leitið strax til læknis
  • Verkur fyrir brjósti, mæði
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Ef önnur staðbundin augnlyf eru notuð samtímis, þurfa að líða a.m.k. 5 mín. á milli ídreypinga.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjarta- eða æðasjúkdóm
  • þú sért með langvarandi lifrar- eða nýrnasjúkdóm
  • þú sért með lungnaþembu eða astma
  • þú sért með of- eða vanvirkan skjaldkirtil
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
  • þú notir augnlinsur
MeðgangaLyfið á ekki að nota á meðgöngu
BrjóstagjöfLyfið á ekki að nota á meðan brjótagjöf stendur.
BörnLyfið er ekki ætlað börnum.
Eldra fólkVenjulegar skammtastærðir.
AksturEins og á við um önnur augnlyf getur notkun augndropa valdið tímabundnum sjóntruflunum.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirNotkun lyfsins er bönnuð í sumum íþróttagreinum.
AnnaðLyfið er án rotvarnarefna. Fjarlægja skal augnlinsur fyrir notkun og þær má setja í að nýju 15 mín. síðar.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.