Zubsolv

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Zubsolv

Opna mína lyfseðla
Lyf gegn fíkn

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Búprenorfín, NaloxónSkráð 1. mars 2026

Zubsolv er lyf til að meðhöndla ópíóíðafíkn, innan ramma læknisfræðilegrar, félagslegrar og sálfræðilegrar meðferðar. Lyfið inniheldur tvö efni, búprenorfín og naloxón. Búprenorfín er lyf í flokki ópíóíða og líkist morfíni. Naloxón er efni sem að blokkar ópíóíða viðtaka og er því mótefni gegn ópíóíðalyfjum. Naloxón er til staðar í Zubsolv til að koma í veg fyrir misnotkun lyfsins í æð. Þegar naloxón er gefið sjúklingum með ópíóíðafráhvörf til inntöku eða undir tungu hefur það lítil sem engin lyfjafræðileg áhrif. Hins vegar, þegar naloxón er gefið í bláæð koma greinileg ópíóíðablokkandi áhrif og fráhvarfseinkenni í ljós. Þetta hefur fælandi áhrif á notkun lyfsins í bláæð. Zubsolv er ætlað fullorðnum og unglingum eldri en 15 ára sem hafa samþykkt að gangast undir meðferð gegn lyfjafíkn.

Tafla 1,4/0.36 mg Tungurótartafla

Notkun á lyfjum

LyfjaformTungurótartafla.
Venjulegar skammtastærðirSkammtastærðir eru einstaklingsbundnar. Skammturinn er tekinn einu sinni á dag með því að setja töflurnar undir tunguna og láta töflurnar vera undir tungunni þangað til þær hafa leyst upp að fullu. Það getur tekið 5-10 mínútur. Það má ekki tyggja eða gleypa töflurnar.
Þörf á að breyta mataræði meðan lyfið er tekiðEkki kyngja eða neyta fæðu eða drykkjar fyrr en taflan hefur leyst upp að fullu.
GeymslaGeymið lyfið þar sem börn eða aðrir fjölskyldumeðlimir hvorki ná til né sjá.
Ef skammtur gleymistLátið lækni vita.
Hvernig á að hætta töku lyfsinsÍ samráði við lækni. Sé meðferð hætt skyndilega, getur það framkallað fráhvarfseinkenni.
Ef tekinn er of stór skammturOfskömmtun getur valdið alvarlegum og lífshættulegum öndunarerfiðleikum. Leitið til bráðamóttöku eða hringið í 112.

Aukaverkanir

Algengustu aukaverkanirnar sem koma fram eru hægðatregða og einkenni sem almennt tengjast fráhvarfi lyfja. Listinn hér að neðan er ekki tæmandi, sjá fylgiseðil fyrir allar þekktar aukaverkanir.

Algengar aukaverkanir (>1%):
  • Aukin táramyndun
    Leitið til læknis
  • Hækkaður blóðþrýstingur
    Leitið til læknis
  • Höfuðverkur, ógleði, mikil svitamyndun
    Leitið til læknis
  • Liðverkir, bakverkir eða vöðvaverkir
    Leitið til læknis
  • Minnkuð kynhvöt
    Leitið til læknis
  • Svefnleysi
    Leitið til læknis
  • Sýkingar, flensulík einkenni
    Leitið til læknis
  • Þroti í höndum og fótum
    Leitið til læknis
  • Þunglyndi, kvíði, tilfinningatruflanir, þyngdartap
    Leitið til læknis
Sjaldgæfar aukaverkanir (<1%):
  • Veruleg þreyta, kláði, gulnun húðar og augna
    Leitið til læknis
  • Bráðaofnæmisviðbrögð/lost, ofsakláði
    Leitið strax til læknis
  • Ofskynjanir
    Leitið strax til læknis
  • Syfja, þokusýn, þvoglumæli, óskýr hugsun eða hægari öndun en vanalega
    Leitið strax til læknis

Milliverkanir

Lyfið getur valdið fráhvarfseinkennum ópíóíða ef það er tekið of fljótt eftir töku ópíóíða. Líða þurfa að minnsta kosti 6 klst. frá notkun ópíóíða með skammtímavirkni (t.d. morfíns, heróíns) og að minnsta kosti 24 klst. frá notkun ópíóíða með langtímavirkni eins og metadóns.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með lágan blóðþrýsting
  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með þvagfærasjúkdóm
  • þú takir einhver önnur lyf
  • þú sért undir áhrifum áfengis eða vímuefna
  • þú sért með skjaldkirtilssjúkdóm
  • þú eigir við öndunarerfiðleika að stríða
  • þú sért með heilasjúkdóm
MeðgangaLyfið getur haft áhrif á ófætt barn og valdið fráhvarfseinkennum hjá nýbura. Notendur lyfsins skulu láta lækni tafarlaust vita af þungun eða grun um þungun.
BrjóstagjöfEkki hafa barn á brjósti meðan á meðferð með lyfinu stendur, þar sem búprenorfín skilst út í brjóstamjólk.
BörnLyfið er ekki ætlað börnum yngri en 15 ára.
Eldra fólkLæknir vill mögulega fylgjast nánar með ef einstaklingur sem tekur lyfið er eldri en 65 ára.
AksturLyfið getur valdið syfju, sundli eða skert hugsun þína. Ekki aka, hjóla eða stjórna vélum á meðan þú tekur lyfið fyrr en þú veist hvernig áhrif lyfið hefur á þig.
ÁfengiEkki drekka áfengi meðan á meðferð með lyfinu stendur.
ÍþróttirLyfið er á bannlista og ekki leyft í keppni.
FíknarvandamálLyfið getur verið eftirsóknarvert fyrir fólk sem misnotar ávísuð lyf og lyfið þarf því að geyma á öruggum stað til varnar gegn þjófnaði. Ekki má gefa þetta lyf öðrum. Það getur valdið dauða eða öðrum skaða. Lyfið getur valdið ávanabindingu.
AnnaðEinungis sérfræðingar í geðlækningum og sérfræðingar í meðferð á ópíatfíkn mega ávísa lyfinu.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.