Dropizol

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Dropizol

Opna mína lyfseðla
Hægðalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: ÓpíumSkráð 1. júní 2018

Dropizol er jurtalyf sem inniheldur ópíum. Ópíum er unnið úr aldini Ópíumvalmúans (Papaverin somniferum) og er morfín aðal virka innihaldsefnið í ópíum. Ópíum hefur áhrif víða í líkamanum þar sem ópíumviðtakar eru að finna vítt og dreyft í taugakerfinu en einnig í minna mæli í sáðrás, hnjáliðum, hjarta og æðakerfinu og í meltingarveginum. Morfín er fyrst og fremst notað sem sterkt verkjastillandi lyf en auk þess getur lyfið meðal annars dregið úr hósta og valdið hægðatregðu. Í meltingaveginum hægir ópíum meðal annars á þarmahreyfingum og hamlar magatæmingu. Lyfið Dropizol er notað við alvarlegum niðurgangi hjá fullorðnum þegar önnur stoppandi meðferð hefur ekki dugað. Lyfið er mjög ávanabindandi, bæði líkamleg og andleg, og því á aðeins og nota lyfið í eins skammtan tíma og mögulegt er.

Notkun á lyfjum

LyfjaformDropar til inntöku.
Venjulegar skammtastærðir5-10 dropar 2-3 svar á dag. Skammtar eru einstaklingsbundnir og skal nota eins lágan skammt og í eins stuttan tíma og mögulegt er. Taka má inn dropana óþynnta eða blanda þeim í glas af vatni en drekka skal vatnið strax eftir blöndun.
GeymslaGeymið lyfið þar sem börn hvorki ná til né sjá. Lyfið má aðeins nota í 4 vikur frá því glasið var fyrst opnað.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Ef þú tekur of mikið Dropizol getur þú fundið fyrir minnkuðum sjáöldrum, hægum hjartslætti, lágum blóðþrýstingi, lungnabjúg, öndunarerfiðleikum og skertri meðvitund sem getur leitt til dás.

Aukaverkanir

Algengar aukaverkanir (>1%):
  • Breyting á bragðskyni og lyktarskyni
    Leitið til læknis
  • Erfiðleikar með þvaglát
    Leitið til læknis
  • Hægðatregða, meltingartruflanir og munnþurrkur
    Leitið til læknis
  • Höfuðverkur, sundl, þreyta
    Leitið til læknis
Sjaldgæfar aukaverkanir (<1%):
  • Öndunarerfiðleikar
    Leitið til læknis
  • Mæði, kvíði, blámi á vörum, fingrum og tám, höfuðverkur
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Dropizol getur aukið hættu á öndunarbælingu, slævingu og dái sé það notað með öðrum lyfjum sem hafa áhrif bælandi áhrif á miðtaugakerfið. Til þeirra lyfja teljast til dæmis þunglyndislyf, sefandi lyf, svefnlyf, almenn svæfinga- og deyfingalyf, róandi lyf, vöðvaslakandi lyf og áfengi. Því þarf að fylgjast mjög náið með sjúklingum sem fá þessi lyf samtímis Dropizol.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • hvort þú sért með gláku
  • hvort þú sért með eða hefur verið með sár í maga eða skeifugörn
  • hvort þú sért með vanvirkan skjaldkirtil
  • þú sért með astma eða annan lungnasjúkdóm
  • þú sért með eða hafir fengið gallsteina
  • þú sért með flogaveiki
  • þú sért með hjartabilun
  • þú sért með magabólgur eða bólgusjúkdóm í þörmum
  • þú sért með ofnæmi fyrir virka efninu eða einhverju hjálparefnanna
  • þú sért með skerta lifrar- eða nýrnastarfsemi
  • þú sért með þvagtregðu eða stækkun í blöðruhálskirtli
  • þú takir einhver önnur lyf
  • þú eigir við öndunarerfiðleika að stríða
  • þú sért eða hefur áður verið háð/háður ópíumefnum
  • þú sért með alvarlega höfuðáverka
  • þú átt í hættu á að fá stíflu í þörmum vegna lömunar þarmavöðva
MeðgangaEkki skal taka inn Dropizol á meðgöngu nema læknir mæli sérstaklega með því. Ekki taka Dropizol nærri áætluðum fæðingardegi vegna hættunnar á frákvarfseinkennum í nýbura.
BrjóstagjöfLyfið berst í brjóstamjólk og á ekki að taka inn nema læknir mælir sérstaklega með því.
BörnLyfið er ekki ætlað börnum undir 18 ára aldri.
Eldra fólkLyfið er yfirleitt gefið í lægri skömmtum.
AksturLyfið inniheldur bæði morfín og etanól sem getur valdið svefnhöfga og getur því haft áhrif á hæfni til akstur.
ÁfengiÁfengi eykur sljóvgandi áhrif lyfsins. Ekki neyta áfengis meðan lyfið er tekið.
ÍþróttirBannað í keppni.
FíknarvandamálHætta er á þolmyndun og fíkn við notkun lyfsins.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.