Risolid

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Risolid

Opna mína lyfseðla
Róandi og kvíðastillandi lyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: KlórdíazepoxíðSkráð 1. apríl 2008

Klórdíazepoxíð slær á ótta, kvíða og spennu. Það hefur einnig róandi, krampastillandi og nokkur vöðvaslakandi áhrif. Algengast er að gefa það við kvíða en það er líka gefið við taugaveiklun, spennu og óróa, fráhvarfseinkennum drykkjusýki og kvíðatengdum svefntruflunum. Klórdíazepoxíð tilheyrir flokki lyfja sem kallast benzódíazepín. Öll lyf í þessum flokki auka áhrif hamlandi boðefnis (GABA) á vissum stöðum í heila. Þau hafa öll róandi, kvíðastillandi, krampastillandi og vöðvaslakandi áhrif. Munur á hinum ýmsu benzódíazepínlyfjum felst í því hvað þau eru sérhæfð og hversu langur verkunartími þeirra er.

Tafla 10 mg Tafla

Notkun á lyfjum

LyfjaformTöflur til inntöku.
Venjulegar skammtastærðir20-40 mg á dag. Skammtar eru mjög einstaklingsbundnir. Við áfengisfráhvörf eru oft notaðir mun stærri skammtar. Töflurnar takist með vatnsglasi.
Hversu langur tími uns verkun kemur fram1-2 klst.
Verkunartími12-24 klst. Sum áhrif geta þó varað lengur, eða í allt að 4 sólarhringa.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistEf lyfið er tekið reglulega: Taktu lyfið ef færri en 1 klst. líður frá því að taka átti skammtinn. Annars skaltu sleppa skammtinum sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsHafi lyfið verið tekið í 2 vikur eða styttri tíma má hætta að taka það þegar þess gerist ekki lengur þörf. Hafi það verið tekið í lengri tíma gætu fráhvarfseinkenni komið fram sé töku þess skyndilega hætt. Hafðu samband við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunKlórdíazepoxíð hentar ekki til langtímanotkunar. Lyfið er vanabindandi og fráhvarfseinkenni geta komið fram þegar töku þess er hætt eftir langan tíma.

Aukaverkanir

Aukaverkanir eru skammtaháðar, meiri líkur eru á að þær komi fram eftir því sem skammtar eru stærri. Algengasta aukaverkun lyfsins er syfja.

Algengar aukaverkanir (>1%):
  • Höfuðverkur
    Leitið til læknis
  • Jafnvægistruflanir, yfirlið
    Leitið til læknis
  • Sljóleiki
    Leitið til læknis
  • Vöðvaslappleiki, illa samhæfðar hreyfingar
    Leitið til læknis
  • Þreyta, syfja
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Skapgerðarbreytingar, ofskynjanir
    Leitið til læknis
  • Öndunarbæling
    Leitið strax til læknis

Milliverkanir

Náttúrulyfin Jóhannesarjurt og valeriana geta dregið úr virkni lyfsins. Öll lyf sem hafa sljóvgandi áhrif á miðtaugakerfið geta aukið sljóvgandi áhrif klórdíazepoxíðs og ætti því að forðast að taka þau samtímis.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú hafir einhvern tíma misnotað lyf eða áfengi
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með vöðvaslensfár (myasthenia gravis)
  • þú sért með öndunarfærasjúkdóm
  • þú takir einhver önnur lyf
  • þú sért með kæfisvefn
  • þú þjáist af þunglyndi
  • þú sért með porfýríu
MeðgangaNokkur hætta er á því að lyfið hafi áhrif á fóstur.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum.
Eldra fólkAukin hætta er á aukaverkunum, minni skammtar eru notaðir.
AksturLyfið getur skert athygli og viðbragðsflýti og þar með aksturshæfni. Ekki aka bíl meðan lyfið er tekið.
ÁfengiEykur sljóvgandi áhrif lyfsins. Ekki neyta áfengis meðan lyfið er tekið.
ÍþróttirLeyft við æfingar og í keppni.
FíknarvandamálRisolid getur verið vanabindandi. Ávanahætta er meiri eftir því sem skammtar eru stærri eða lyfið er notað í lengri tíma og hjá þeim sem hafa tilhneigingu til misnotkunar lyfja eða áfengis.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.