Azilect

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Azilect

Opna mína lyfseðla
Lyf við Parkinsonsjúkdómi

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: RasagilínSkráð 1. október 2005

Azilect er notað til meðferðar við parkinsonsveiki í einlyfja meðferð (án levódópa) eða samhliða meðferð (með levódópa). Parkinsonsveiki orsakast af hrörnun taugafrumna, en lík sjúkdómseinkenni geta komið fram eftir heilaskaða, truflun á blóðflæði í heila og sem aukaverkanir lyfja. Einkennin stafa af ójafnvægi milli taugaboðefnanna asetýlkólíns og dópamíns, þaðan sem samhæfingu hreyfinga er stjórnað í heila. Magn dópamíns minnkar og vægi asetýlkólíns verður þá hlutfallslega of mikið. Í parkinsonsveiki verður þetta vegna þess að taugafrumurnar sem framleiða dópamín hrörna. Rasagilín, virka efnið í Azilect, eykur magn dópamíns í heila og viðheldur dópamín gildum á þessum svæðum.

Tafla 1 mg Tafla

Notkun á lyfjum

LyfjaformTöflur til inntöku.
Venjulegar skammtastærðir1 mg á dag.
Hversu langur tími uns verkun kemur framSjúklingur ætti að finna mun á nokkrum dögum.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni, annars er hætta á því að sjúkdómurinn versni. Ef töku lyfsins er hætt skyndilega getur það valdið alvarlegum einkennum.
Ef tekinn er of stór skammturOf stórir skammtar valda frekar aukaverkunum. Hafðu samband við lækni ef stórir skammtar eru teknir eða ef óvenjuleg einkenni koma fram.
LangtímanotkunÞar sem lyfið er nýkomið á markað er engin reynsla komin af langtímanotkun þess.

Aukaverkanir

Algengustu aukaverkanir lyfsins eru óeðlilegar hreyfingar (hreyfingatregða) og höfuðverkur en yfir 10% þeirra sem taka lyfið finna fyrir þeim.

Algengar aukaverkanir (>1%):
  • Hiti, lasleiki, lystarleysi, flensulík einkenni
    Leitið til læknis
  • Höfuðverkur, svimi
    Leitið til læknis
  • Kviðverkir, hægðatregða, uppköst, þyngdartap
    Leitið til læknis
  • Munnþurrkur, tárubólga, bólga í nefslímhúð
    Leitið til læknis
  • Óeðlilegar hreyfingar
    Leitið til læknis
  • Óeðlilegir draumar, þunglyndi
    Leitið til læknis
  • Svimi þegar staðið er upp
    Leitið til læknis
  • Trufluð vöðvaspenna, erfiðleikar með samhæfingu vöðva, áverkar vegna slysni
    Leitið til læknis
  • Útbrot, kláði
    Leitið til læknis
  • Verkir í hálsi og liðamótum, liðbólga, sinaskeiðabólga
    Leitið til læknis
  • Þvaglátaþörf
    Leitið til læknis
Sjaldgæfar aukaverkanir (<1%):
  • Heilablæðing af völdum slyss
    Leitið strax til læknis
  • Húðbreytingar
    Leitið strax til læknis
  • Verkur fyrir brjósti
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú reykir
  • þú takir einhver önnur lyf
  • þú sért með skerta lifrarstarfsemi
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið getur hamlað mjólkurmyndun. Ekki er vitað hvort lyfið berst í brjóstamjólk.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturLyfið getur valdið svima og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirBannað í keppni.
AnnaðReykingar hraða niðurbroti lyfsins í blóði og geta þar með minnkað áhrif þess.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.