Xyrem

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Xyrem

Opna mína lyfseðla
Önnur lyf með verkun á taugakerfið

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: NatríumoxybatSkráð 1. febrúar 2016

Xyrem inniheldur virka efnið natríumoxybat. Lyfið er notað við svefnflogum með máttleysisköstum. Svefnflog er þegar það hellist all í einu yfir fólk óstjórnleg syfja sem eiga þá í erfiðleikum með að halda sér vakandi að degi til án þekktrar undirliggjandi orsakar og sofnar jafnvel hvenær sem er eða hvar sem er, yfirleitt í 2-5 míntútur og vaknar svo endurnært. Natríumoxybat hefur bælandi áhrif á miðtaugakerfið og dregur úr óhóflegri syfju og máttleysisköstum yfir daginn, og hefur áhrif á svefnmunstur með því að draga úr brotakenndum nætursvefni.

Notkun á lyfjum

LyfjaformMixtúra
Venjulegar skammtastærðirFullorðnir: í byrjun 2,25 g 2svar á dag, skammtur stilltur smám, í mest 4,5 g 2svar á dag. Börn eldri en 7 ára: 0,2g á hvert kíló líkamsþyngdar á dag sem er skipt up í 2 skammta.
Hversu langur tími uns verkun kemur framHámarksþéttni næst eftir ½-2 klst
VerkunartímiVerkunartími ekki að fullu þekktur
Þörf á að breyta mataræði meðan lyfið er tekiðEngin þörf að breyta mataræði
GeymslaEftir að flaskan er fyrst opnuð: 90 dagar. Eftir þynningu í skammtabollunum á að nota blönduna innan 24 kls
Ef skammtur gleymistEf þú gleymir að taka fyrri skammtinn skaltu taka hann eins fljótt og þú manst eftir því og halda síðan lyfjatöku áfram eins og áður. Ef þú missir af seinni skammtinum skaltu sleppa honum og ekki nota Xyrem aftur fyrr en næsta kvöld. Ekki á að tvöfalda skammt til að bæta upp skammt sem gleymdist.
Hvernig á að hætta töku lyfsinsEkki hætta töku lyfsins nema í samráði við lækni. Einkenni sjúkdómsins geta aftur komið fram þegar töku lyfsins er hætt.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Sjúklingar hafa sýnt mismunandi stig minnkaðrar meðvitundar sem getur sveiflast hratt milli þess að vera rugl, æsingur og mótþrói og á hinn bóginn truflun á samhæfingu. Hafið strax samband við lækni ef vart verður við þessi einkenni.
LangtímanotkunEngin þekkt vandamál

Aukaverkanir

Algengar aukaverkanir (>1%):
  • Lystarleysi
    Leitið til læknis
  • Náladofi
    Leitið til læknis
  • Skjálfti
    Leitið til læknis
  • Svefnhöfgi
    Leitið til læknis
  • Svimi, jafnvægisraskanir
    Leitið til læknis
  • Truflun á bragðskyni
    Leitið til læknis
Sjaldgæfar aukaverkanir (<1%):
  • Vöðvakrampar
    Leitið til læknis
  • Vanlíðan
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú hafir einhvern tíma misnotað lyf eða áfengi
  • þú sért með efnaskiptasjúkdóm
  • þú sért með einhvern lungnasjúkdóm
  • þú sért með flogaveiki
  • þú sért með lifrar- eða nýrnasjúkdóm
  • þú sért með ofnæmi fyrir einhverjum lyfjum
  • þú sért með öndunarfærasjúkdóm
  • þú sért með geðrofssjúkdóm
  • þú þjáist af þunglyndi
MeðgangaNotkun lyfsins er ekki ráðlögð á meðgöngu
BrjóstagjöfLyfið á ekki að nota meðan á brjóstagjöf stendur
BörnEkki fyrir börn yngri en 7 ára
Eldra fólkEkki er þörf á breyttum skömmtum
AksturLyfið getur haft áhrif á aksturshæfni
ÁfengiEkki neyta áfengis á meðan lyfið er tekið
ÍþróttirLyfið er á bannlista WADA
FíknarvandamálHætta á misnotkun er vel þekkt. Ávanabinding hefur komið fyrir eftir ólöglega notkun natríumoxybats.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.