Cytotec

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Cytotec

Opna mína lyfseðla
Lyf við sársjúkdómi

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: MísóprostólSkráð 1. ágúst 2002

Mísóprostól, innihaldsefni Cytotec, er eingöngu notað með bólgueyðandi gigtarlyfjum í því skyni að græða eða koma í veg fyrir myndun sára eða bólgu í maga og skeifugörn sem stafa af bólgueyðandi gigtarlyfjum. Mísóprostól er óvirkt lyf og brotnar niður í líkamanum í virkt lyf, en það er afbrigði af efninu prostaglandín E1. Lyfið dregur úr sýrumyndun í maga, eykur slímmyndun í maga og skeifugörn ásamt því að auka seytingu bíkarbónats í skeifugörn. Með þessum hætti vinnur lyfið gegn ertandi áhrifum sem bólgueyðandi gigtarlyf valda á maga og skeifugörn. Mísóprostól hefur einnig verið notað í samsetningu með díklófenaki (Arthrotec), bólgueyðandi gigtarlyfi, til að minnka hættu á maga- og skeifugarnarsári af völdum díkófenaks. Mísóprostól eykur líka vöðvaspennu í legi.

Tafla 0,2 mg Tafla

Notkun á lyfjum

LyfjaformTöflur til inntöku.
Venjulegar skammtastærðir0,2 mg í senn 2-4 sinnum á dag.
Hversu langur tími uns verkun kemur framU.þ.b. 15 mín.
Verkunartími2-3 klst.
Þörf á að breyta mataræði meðan lyfið er tekiðMeð því að taka lyfið inn strax eftir máltíðir er hægt að draga úr tíðni aukaverkana.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsHætta má töku lyfsins þegar forsendur fyrir töku þess eru ekki lengur til staðar.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Hafðu samband við lækni ef vart verður við einhver óvenjuleg einkenni.
LangtímanotkunÁn vandkvæða.

Aukaverkanir

Óþægindi frá meltingarvegi eru algengustu aukaverkanir lyfsins.

Algengar aukaverkanir (>1%):
  • Höfuðverkur, svimi
    Leitið til læknis
  • Kviðverkir og vindverkir
    Leitið til læknis
  • Niðurgangur, hægðatregða og meltingartruflanir
    Leitið til læknis
  • Uppköst
    Leitið til læknis
Sjaldgæfar aukaverkanir (<1%):
  • Óþægindi frá kynfærum kvenna
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með æðasjúkdóma
  • þú sért með bólgusjúkdóm í meltingarvegi
MeðgangaLyfið má ekki nota á meðgöngu vegna áhrifa þess á leg.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiGetur ert magaslímhúð. Æskilegt er að halda áfengisneyslu í lágmarki meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.