Fucithalmic

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Fucithalmic

Opna mína lyfseðla
Augnlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: FúsidínsýraSkráð 1. apríl 1988

Fúsidínsýra er sýklaeyðandi efni með þröngt verkunarsvið. Hún drepur eða hemur fjölgun nokkurra tegunda baktería sem valda oft sýkingum í húð, t.d. Staphylococcus og Propionbacterium (veldur þrymlabólum). Hún hefur einnig áhrif á bakteríustofna sem hafa myndað ónæmi fyrir öðrum sýklalyfjum eins og pensilínlyfjum. Fúsidínsýra kemst í gegnum hornhimnu augans og er því nothæf í augndropa við sýkingum í auga. Fucithalmic augndropar eru notaðir við augnsýkingum af völdum baktería sem eru næmar fyrir fúsidínsýru.

Notkun á lyfjum

LyfjaformAugndropar.
Venjulegar skammtastærðir1 dropi í sýkt auga 2svar á dag. Meðferð skal halda áfram i tvo daga eftir að einkenni eru horfin.
Hversu langur tími uns verkun kemur framMisjafnt eftir tegund sýkils.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Augndropa skal nota innan 4ra vikna frá því að innri umbúðir eru rofnar.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið svo lengi sem læknir segir fyrir um, líka þótt einkenni sýkingarinnar séu ekki lengur til staðar. Ef notkun er hætt of snemma getur sýkingin náð sér aftur á strik.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda.
LangtímanotkunLyfið er aðeins notað í skamman tíma í senn við tilfallandi sýkingum.

Aukaverkanir

Algengar aukaverkanir (>1%):
  • Erting og sviði í auga
    Leitið til læknis
Sjaldgæfar aukaverkanir (<1%):
  • Rauð og bólgin augu
    Leitið til læknis
  • Útbrot, kláði, bjúgur
    Leitið strax til læknis

Milliverkanir

Engar milliverkanir eru þekktar við þetta lyfjaform. Ef önnur staðbundin augnlyf eru notuð samtímis, þurfa að líða a.m.k. 5 mín. á milli ídreypinga.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaEngin þekkt áhætta er af notkun lyfsins á meðgöngu. Ekki taka nein lyf á fyrstu 3 mánuðum meðgöngu nema í samráði við lækni.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnVenjulegar skammtastærðir.
Eldra fólkVenjulegar skammtastærðir.
AksturEins og á við um önnur augnlyf getur notkun augndropa valdið tímabundnum sjóntruflunum.
ÁfengiÁfengi hefur ekki áhrif á verkun lyfsins.
ÍþróttirLeyft við æfingar og í keppni.
AnnaðEkki nota augnlinsur á meðan augndroparnir eru notaðir.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.