Fucidin-Hydrocortison

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Fucidin-Hydrocortison

Opna mína lyfseðla
Barksterar húðlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Fúsidínsýra, Hýdrókortisón_Skráð 1. febrúar 1998

Fucidin-Hydrocortison inniheldur tvö virk efni, fúsidínsýru og hýdrókortisón. Fúsidínsýra er sýklaeyðandi efni með þröngt verkunarsvið. Hún drepur eða hemur fjölgun nokkurra tegunda baktería sem valda oft sýkingum í húð. Sýran hefur líka áhrif á bakteríustofna sem hafa myndað ónæmi fyrir öðrum sýklalyfjum eins og pensilínlyfjum. Hýdrókortisón er sterahormón sem myndast í nýrnahettunum. Það bælir myndun efna sem framkalla bólgur og virkja ónæmiskerfið og með því dregur það úr bólgum, kláða og ofnæmiseinkennum. Sterar sem eru notaðir í húðlyf skiptast gróflega í 4 flokka eftir styrkleika. Hýdrókortisón er vægur steri og tilheyrir flokki 1, vægasta flokknum. Fucidin-Hydrocortison er notað útvortis á húð við exemi eða húðbólgu og þegar sýking er líka til staðar.

Notkun á lyfjum

LyfjaformÚtvortis krem.
Venjulegar skammtastærðirBorið á sýkt húðsvæði í þunnu lagi 3svar á dag.
Hversu langur tími uns verkun kemur framMisjafnt eftir ástandi sjúklings.
VerkunartímiMisjafn eftir ástandi sjúklings.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið eins lengi og læknir segir fyrir um þótt einkenni sýkingarinnar séu ekki lengur til staðar. Hætti notkun of snemma gæti sýkingin náð sér aftur á strik.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef vart verður við einhver óvenjuleg einkenni skal hafa samband við lækni.
LangtímanotkunLyfið er aðeins notað í skamman tíma í senn við tilfallandi sýkingum.

Aukaverkanir

Aukaverkanir eru sjaldgæfar og almennt vægar.

Algengar aukaverkanir (>1%):
  • Sviði, erting í húð
    Leitið til læknis
Sjaldgæfar aukaverkanir (<1%):
  • Útbrot og mikill kláði
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaEngin þekkt áhætta er af notkun lyfsins á meðgöngu. Ekki nota nein lyf á fyrstu 3 mánuðum meðgöngu nema í samráði við lækni.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnVenjulegar skammtastærðir.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÁfengi hefur ekki áhrif á verkun lyfsins.
ÍþróttirLeyft við æfingar og í keppni.
AnnaðKremið má ekki bera á geirvörtur.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.