Paxlovid

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Paxlovid

Opna mína lyfseðla
Veirusýkingalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Ritonavir, NirmatrelvirSkráð 28. janúar 2022

Paxlovid er veirulyf sem inniheldur tvö virk efni, nirmatrelvir og ritonavir, í tvenns konar töflum. Paxlovid er notað til meðferðar hjá fullorðnum sjúklingum með COVID-19 sem ekki þurfa á súrefnisgjöf að halda og sem eru í aukinni hættu á að sjúkdómurinn versni og verði alvarlegur. COVID-19 er sjúkdómur af völdum veiru sem kallast kórónaveira. Nirmatrelvir stöðvar fjölgun veirunnar í frumum og það kemur í veg fyrir fjölgun veirunnar í líkamanum. Ritonavir hamlar umbroti nirmatrelvirs og eykur þannig virkni þess.

Tafla 150 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðir2 töflur af nirmatrelviri (bleikar töflur) og 1 tafla af ritonaviri (hvít tafla) tvisvar á dag (á morgnana og á kvöldin) í 5 daga. Fyrir hvern skammt skal taka allar 3 töflurnar á sama tíma, töflurnar á að gleypa heilar þær má ekki brjóta eða mylja.
Hversu langur tími uns verkun kemur framFljótlega eftir inntöku lyfsins.
Þörf á að breyta mataræði meðan lyfið er tekiðNei.
GeymslaGeymið lyfið þar sem börn hvorki ná til né sjá.
Ef skammtur gleymistEf þú gleymir að taka skammt af Paxlovid en manst eftir því innan 8 klukkustunda eftir að þú áttir að taka hann skaltu taka hann um leið og þú manst eftir því. Ef meira en 8 klukkustundir eru liðnar skaltu ekki taka skammtinn sem gleymst hefur og taka næsta skammt á áætluðum tíma. Ekki á að taka tvo skammta af Paxlovid á sama tíma.
Hvernig á að hætta töku lyfsinsÍ samráði við lækni.
Ef tekinn er of stór skammturSkal hafa strax samband við lækni, sjúkrahús eða eitrunarmiðstöð (543 2222).
LangtímanotkunLyfið er ekki ætlað til langtímanotkunar.

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum

Algengar aukaverkanir (>1%):
  • Breyting á bragðskyni
    Leitið til læknis
  • Höfuðverkur
    Leitið til læknis
  • Kviðverkir
    Leitið til læknis
  • Ógleði, uppköst, niðurgangur
    Leitið til læknis
  • Vöðvaverkir
    Leitið til læknis
Sjaldgæfar aukaverkanir (<1%):
  • Hár blóðþrýstingur
    Leitið til læknis
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með háan blóðþrýsting
  • þú sért með hjarta-, lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaEkki liggur fyrir hvort notkun á lyfinu sé örugg á meðgöngu. Mælt er með því að forðast kynlíf eða að nota getnaðarvörn meðan á notkun Paxlovid stendur og í varúðarskyni í 7 daga eftir að meðferð með Paxlovid er lokið.
BrjóstagjöfÞú skalt ekki vera með barn á brjósti meðan þú notar Paxlovid og í varúðarskyni í 7 daga eftir að meðferð með Paxlovid er lokið.
BörnPaxlovid er ekki ætlað börnum og unglingum undir 18 ára.
Eldra fólkVenjulegir skammtar.
AksturTalið er að lyfið hafi ekki áhrif á hæfni til aksturs.
ÁfengiEngar rannsóknir hafa verið gerðar með Paxlovid og áfengi en best er að forðast áfengi meðan á meðferð stendur.
ÍþróttirMá nota í keppni.
AnnaðPaxlovid getur dregið úr verkun hormónagetnaðarvarna og ef þú notar slíka getnaðarvörn er ráðlagt að nota smokk eða aðra getnaðarvörn sem ekki byggist á hormónum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.