Protopic

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Protopic

Opna mína lyfseðla
Önnur húðlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Takrólímus_Skráð 1. júlí 2003

Protopic er notað til að meðhöndla atópískt exem sem er miðlungs, mikið eða alvarlegt að gerð. Það er notað hjá fullorðnum sem hafa sýnt óviðunandi svörun eða óþol gagnvart hefðbundinni meðferð. Verkunarháttur lyfsins er ekki að fullu þekktur. Öfugt við barkstera til útvortis notkunar veldur Protopic ekki húðrýrnun. Bera má smyrslið á öll svæði líkamans nema á slímhúð.

Notkun á lyfjum

LyfjaformÚtvortis smyrsli.
Venjulegar skammtastærðirBorið á í þunnu lagi á sjúkt húðsvæði 2svar á dag. Hendur skal þvo eftir notkun.
Hversu langur tími uns verkun kemur framAð jafnaði sést bati innan við viku.
VerkunartímiMisjafn eftir ástandi sjúklings.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið svo lengi sem læknir segir fyrir um. Meðferð skal haldið áfram þar til einkenni eru horfin. Einkenni sjúkdómsins geta aftur komið fram þegar notkun lyfsins er hætt.
Ef tekinn er of stór skammturOfskömmtun eftir staðbundna notkun er ólíkleg. Ef notaðir eru mjög stórir skammtar, ef barn notar lyfið eða ef vart verður við einhver óvenjuleg einkenni skal hafa samband við lækni. Ef lyfinu er kyngt skal hafa samband við lækni.
LangtímanotkunProtopic má nota sem skammtímameðferð eða langtímameðferð með hléum. Fylgjast skal með þeim sjúklingum sem fá eitlastækkanir.

Aukaverkanir

Algengustu aukaverkanirnar hafa verið viðbrögð á meðferðarstað. Þær gera yfirleitt vart við sig snemma á meðferðartíma og eru flestar vægar og skammvinnar.

Algengar aukaverkanir (>1%):
  • Áfengisóþol (andlitsroði eða húðerting eftir neyslu áfengis)
    Leitið til læknis
  • Brunatilfinning í húð, kláði eða hörundsroði
    Leitið til læknis
  • Náladofi, þrymlabólur, áblástur (frunsa)
    Leitið til læknis
  • Truflun á húðskyni
    Leitið til læknis

Milliverkanir

Formlegar rannsóknir á milliverkunum milli staðbundinna lyfja og Protopic smyrslis hafa ekki verið gerðar. Litlar líkur eru á milliverkunum við önnur lyf en gæta skal varúðar þegar stór húðsvæði eru meðhöndluð. Framkvæma skal bólusetningar á meðferðarlausu tímabili. Ekki ætti að bera mýkjandi efni á sama svæði innan 2 klst. fyrir eða eftir notkun lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrarsjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk og getur haft áhrif á barnið.
BörnVenjulegar skammtastærðir. Lyfið er ekki ætlað börnum yngri en 2ja ára.
Eldra fólkTakmörkuð reynsla er af notkun lyfsins hjá eldra fólki. Reynsla hefur þó ekki sýnt fram á neina þörf á breyttri skömmtun.
AksturLyfið hefur ekki áhrif á aksturshæfni.
ÁfengiÁfengi hefur ekki áhrif á verkun lyfsins. Lyfið getur valdið áfengisóþoli sem lýsir sér sem andlitsroði og húðerting eftir neyslu áfengis.
ÍþróttirLeyft við æfingar og í keppni.
AnnaðÁ meðan Protopic er notað skal forðast sól. Nota skal sólarvörn og hylja húðina með hentugum fatnaði. Varast ætti snertingu við augu og slímhúð. Ekki er mælt með notkun hyljandi umbúða.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.