Vfend

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Vfend

Opna mína lyfseðla
Sveppalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: VórikónazólSkráð 1. nóvember 2002

Vfend inniheldur virkaefnið vórikónazól sem er breiðvikt tríazól sveppalyf. Aðalverkunarháttur vórikónazóls er að hindra skref í framleiðslu eins efnis í frumuhimnu sveppsins sem hindrar vöxt þeirra. Vórikónazól hefur áhrif á margar sveppategundir og er meðal annars notað við sveppasýkingum í blóði og alvarlegum ífarandi candidasýkingum. Lyfið ætti fyrst og fremst að nota hjá sjúklinum með versnandi og hugsanlega banvæna sýkingu. En lyfið hefur einnig verið notað sem fyrirbyggjandi meðferð gegn ífarandi sveppasýkingu hjá sjúklingum í miklli áhættu sem fengið hafa ígræðslu ósamgena blóðmyndandi stofnfrumna.

Notkun á lyfjum

LyfjaformMixtúra og innrennslisstofn
Venjulegar skammtastærðirFullorðnir: 400mg á 12 klst fresti fyrstu 24 klst og 200mg 2svar á sólahring eftir það Börn 2-12 ára fá ekki hleðsluskammt til inntöku en viðhaldsskammtur er 9mg/kg 2svar á dag Innrennslislyfið er eingöngu notað á sjúkrahúsum. Mixtúran hristist fyrir notkun
Hversu langur tími uns verkun kemur framLyfið byrjar að virka innan nokkurra klst. Misjafnt er hvenær áhrifin koma fram, eða eftir því hvaða sveppategund veldur sýkingu, hvar sýkingin er og hvaða lyfjaform er notað.
VerkunartímiEr skammtaháð en helmingunartími er u.þ.b. 6 klst
Þörf á að breyta mataræði meðan lyfið er tekiðEkki þörf á breyttu mataræði en lyfið skal tekið 1klst fyrir eða eftir máltíð
GeymslaGeymist við stofuhita þar sem börn hvorki ná til né sjá. Blönduð mixtúra geymist í 14 daga.
Ef skammtur gleymistEf skammtur gleymist á að taka þann næsta á réttum tíma. Ekki á að tvöfalda skammt til að bæta upp skammt sem gleymist
Hvernig á að hætta töku lyfsinsTaktu lyfið eins lengi og læknir segir til um, jafnvel þótt einkenni sýkingarinnar séu ekki lengur til staðar. Annars er hætta á því að sýking nái sér aftur upp
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunMetið af lækni

Aukaverkanir

Algengar aukaverkanir (>1%):
  • Andnauð
    Leitið til læknis
  • Bjúgur á útlimum
    Leitið til læknis
  • Kviðverkir
    Leitið til læknis
  • Ógleði, uppköst, niðurgangur
    Leitið til læknis
  • Sjónskerðing
    Leitið til læknis
  • Sótthiti
    Leitið til læknis
  • Útbrot
    Leitið til læknis
Sjaldgæfar aukaverkanir (<1%):
  • Heyrnaskerðing
    Leitið strax til læknis
  • Liðbólgur, liðverkir
    Leitið strax til læknis
  • Ofnæmisviðbrögð s.s. útbrot, kláði, öndunarerfiðleikar, hiti ásamt eitlastækkunum.
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með einhvern hjarta- eða æðasjúkdóm
  • þú sért með ofnæmi
  • þú sért með skerta lifrarstarfsemi
  • þú sért með skerta starfsemi nýrnahettna
MeðgangaMá ekki nota á meðgöngu
BrjóstagjöfMá ekki nota við brjóstagjöf
BörnSkammtar háðir líkamsþyngd fyrir born eldri en 2ja ára
Eldra fólkEkki er þörf á að breyta skömmtum
AksturGetur haft áhrif á sjón og því æskilegt að forðast akstur
ÁfengiForðast skal áfengi þar sem það getur aukið líkur og alvarlegum lifrarskaða
ÍþróttirLyfir er leyft við æfingar og í keppni
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.