Lynparza

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Lynparza

Opna mína lyfseðla
Æxlishemjandi lyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: OlaparibSkráð 1. nóvember 2017

Lynparza inniheldur virka efnið olaparib. Olaparib er af tegund krabbameinslyfja sem kölluð eru PARP (fjöl [adenosine diphosphate-ríbósa] pólýmerasa) hemlar. Hjá sjúklingum með stökkbreytingar (breytingar) í ákveðnum genum sem kallast BRCA (brjóstakrabbameinsgen), sem eru í hættu að fá ákveðnar tegundir krabbameins, geta PARP hemlar valdið dauða krabbameinsfrumna með því að stöðva ensím sem tekur þátt í DNA-viðgerð. Lynparza er notað til meðferðar á ákveðinni tegund krabbameins í eggjastokkum sem kallað er „krabbamein í eggjastokkum með BRCA stökkbreytingu“. Það er notað þegar krabbameinið hefur svarað hefðbundinni krabbameinslyfjameðferð sem byggist á platínu. Gert er próf til þess að ákvarða hvort um krabbamein með BRCA stökkbreytingu sé að ræða.

Tafla 150 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðirRáðlagður skammtur af Lynparza er 300 mg tvisvar á dag, jafngildir 600 mg heildardagskammti.
Hversu langur tími uns verkun kemur framÁ ekki við þar sem lyfið er gefið sem hluti af meðferðarskema á eftir platinummeðferð. Lyfið nær hámarksblóðþéttni eftir 1-3 klst.
Verkunartími2-4 dagar
Þörf á að breyta mataræði meðan lyfið er tekiðEkki drekka greipaldinsafa allan tímann meðan á meðferð með Lynparza stendur. Hann getur haft áhrif á verkun lyfsins.
GeymslaGeymið lyfið þar sem börn hvorki ná til né sjá.
Ef skammtur gleymistEf skammtur af Lynparza gleymist á að taka næsta skammt samkvæmt áætlun. Ekki á að tvöfalda skammt til að bæta upp skammt sem gleymst hefur að taka.
Ef tekinn er of stór skammturEf of stór skammtur af Lynparza hefur verið tekinn á samstundis að hafa samband við lækninn eða næsta sjúkrahús. Sími hjá eitrunarmiðstöð Landspítala er 543 2222

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum. Mikilvægt er að gera sér grein fyrir hvaða aukaverkanir þetta geta verið. Læknirinn getur einnig ávísað öðrum lyfjum til þess að ná stjórn á aukaverkunum.

Algengar aukaverkanir (>1%):
  • Breytt bragðskyn, magaverkir, niðurgangur
    Leitið til læknis
  • Brjóstsviði
    Leitið til læknis
  • Flökurleiki, uppköst og ógleði
    Leitið til læknis
  • Höfuðverkur, þreyta, svimi
    Leitið til læknis
  • Kviðverkir, særindi í hálsi eða munni
    Leitið til læknis
  • Lystarleysi
    Leitið til læknis
  • Mæði
    Leitið strax til læknis
  • Marblettir, blæðingar
    Leitið strax til læknis
  • Sýking, hiti
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
MeðgangaÞú átt ekki að nota Lynparza á meðgöngu eða ef þungun er fyrirhuguð.
BrjóstagjöfEkki má vera með barn á brjósti meðan Lynparza er notað og í einn mánuð eftir að þú færð síðasta skammtinn af Lynparza. Segðu lækninum ef þú ráðgerir að vera með barn á brjósti.
BörnEkki hefur verið sýnt fram á öryggi og verkun Lynparza hjá börnum og unglingum.
Eldra fólkEkki er nauðsynlegt að aðlaga upphafsskammt hjá öldruðum. Takmarkaðar klínískar upplýsingar liggja fyrir hjá sjúklingum 75 ára og eldri.
AksturMeðan á meðferð með Lynparza stendur hefur verið greint frá þróttleysi, þreytu og sundli og eiga sjúklingar sem fá þessi einkenni að gæta varúðar við akstur og notkun véla.
AnnaðEinungis sérfræðilæknar í krabbameinslækningum og kvensjúkdómum mega ávísa lyfið.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.