Brintellix (Abacus Medicine)

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Brintellix (Abacus Medicine)

Opna mína lyfseðla
Geðdeyfðarlyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: VortioxetínSkráð 6. febrúar 2024

Brintellix er notað til að meðhöndla alvarlegt þunglyndi hjá fullorðnum. Brintellix dregur úr fjölda þunglyndiseinkenna, þar með talið depurð, kvíðatilfinningu, svefntruflunum, minnkaðri matarlyst, einbeitingarörðugleikum, minnkuðu sjálfsáliti og minnkuðum áhuga á eftirlætisiðju. Brintellix inniheldur virka efnið vortioxetín. Vortioxetín virkar á taugaboðefni heilans og er talið hafa fjölþátta virkni og þá fyrst og fremst á serótónín en líklega einnig noradrenalín, dópamín, histamín, acetýlkólín, GABA og glútamatvirku kerfin.

Tafla 20 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðir5-20 mg á dag.
Hversu langur tími uns verkun kemur fram2-4 vikur.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráð við lækni. Þegar hætta á notkun lyfsins skal minnka skammtinn smám saman samkvæmt leiðbeiningum læknis.
Ef tekinn er of stór skammturHafðu samband við lækni eða lyfjafræðing ef stórir skammtar eru teknir eða ef óvenjuleg einkenni koma fram.
LangtímanotkunEndurmeta skal ávinning meðferðarinnar reglulega.

Aukaverkanir

Algengusta aukaverkun lyfsins er ógleði.

Algengar aukaverkanir (>1%):
  • Aukin svitamyndun
    Leitið til læknis
  • Kláði
    Leitið til læknis
  • Niðurgangur, hægðatregða
    Leitið til læknis
  • Sjóntruflanir
    Leitið til læknis
Sjaldgæfar aukaverkanir (<1%):
  • Skjálfti
    Leitið til læknis

Milliverkanir

Jóhannesarjurt getur aukið líkur á krömpum.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku
  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú hafir fengið krampa eða sért með flogaveiki
  • þú takir einhver önnur lyf
  • þú hafir sögu um blæðingartilhneigingu
  • þú hafir greinst með geðhæð eða geðhvarfasýki
MeðgangaEkki er mælt með notkun lyfsins nema læknirinn telji það bráðnauðsynleg.
BrjóstagjöfEkki er mælt með notkun lyfsins nema í samráði við lækni.
BörnLyfið er ekki ætlað börnum yngri en 18 ára nema að vel athuguðu máli.
Eldra fólkByrjað er á lægri skammti hjá eldri en 65 ára.
AksturBrintellix hefur engin eða óveruleg áhrif á hæfni til aksturs og stjórnunar véla. Samt sem áður er mælt með að sýna aðgát við slíkt í upphafi Brintellix meðferðar eða við skammtabreytingar.
ÁfengiAlmennt er mælt gegn því að neyta áfengis samhliða meðferð með geðdeyfðarlyfjum.
ÍþróttirLeyft við æfingar og í keppni.
AnnaðMælt er með notkun í a.m.k. 6 mánuði eftir að svörun hefur fengist til að forðast bakslag.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.