Rimactan

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Rimactan

Opna mína lyfseðla
Lyf gegn Mycobacteriaceae tegundum

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Rífampicín

Rimactan er við berklum. Athugið að alltaf verður að nota önnur berklalyf samhliða þessu lyfi. Lyfið vinnur líka á klasasýklum sem eru ónæmir gegn hefðbundnari lyfi, eins og kloxacillíni. Virka efnið rífampicín er einnig notað til að útrýma Neisseria meningitidis úr hálsi. Ekki ætti að meðhöndla sýkingar með rífampicíni eingöngu þar sem hætta er fyrir hendi á ónæmismyndun.

Tafla 150 mg Hylki

Notkun á lyfjum

LyfjaformHylki til inntöku.
Venjulegar skammtastærðirFullorðnir: 450-600 mg í senn 1-2svar á dag. Börn: 10-20 mg á hvert kg líkamsþyngdar á dag. Hylkin takist inn með vatnsglasi á fastandi maga.
Hversu langur tími uns verkun kemur framHámarksþéttni í blóði næst á 2-4 klst. eftir stakan skammt en fæða getur tafið frásog.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturHafðu alltaf samband við lækni. Meðferð er háð einkennum.
LangtímanotkunFylgjast þarf með lifrarstarfsemi og blóðhag.

Aukaverkanir

Algengustu aukaverkanir lyfsins koma frá meltingarfærum og húð.

Algengar aukaverkanir (>1%):
  • Höfuðverkur, svimi, þreyta
    Leitið til læknis
  • Magaverkir, uppþemba
    Leitið til læknis
  • Ógleði, lystarleysi
    Leitið til læknis
  • Rauð augu
    Leitið til læknis
  • Útbrot og mikill kláði
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Mæði
    Leitið strax til læknis
  • Ósamhæfðar hreyfingar
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með áfengissýki
  • þú þjáist af næringarskorti
MeðgangaLyfið má ekki nota á meðgöngu.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnSkammtar eru háðir líkamsþyngd.
Eldra fólkVenjulegar skammtastærðir.
AksturLyfið getur valdið svima og syfju. Ekki aka bíl fyrr en reynsla er komin á það hvaða áhrif lyfið hefur.
ÁfengiEkki má neyta áfengis meðan meðferð stendur.
ÍþróttirLeyft við æfingar og í keppni.
AnnaðLyfið hefur rauðbrúna áferð og litar þvag, hráka og tár. Það getur litað og skemmt mjúkar augnlinsur. Lifrarstarfsemi ætti að skoða áður en meðferð er hafin með rífampicíni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.