Persantin

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Persantin

Opna mína lyfseðla
Segavarnarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: DípýrídamólSkráð 1. október 1985

Persantin er blóðþynningarlyf sem hefur jafnframt æðavíkkandi áhrif. Dípýrídamól, virka efni lyfsins, hindrar samloðun á blóðflögum sem er fyrsta skrefið í blóðstorknun og myndun blóðtappa. Dípýrídamól hefur þó frekar lítil áhrif á storknunarhraða blóðs ef það er notað eitt. Æðavíkkandi áhrif þess virðast einkum vera á kransæðar. Persantin er oftast notað með asetýlsalicýlsýru til að fyrirbyggja hjartadrep vegna blóðtappamyndunar eins og eftir ígræðslu gerviloku í hjarta. Asetýlsalicýlsýra er blóðþynnandi en hefur annan verkunarmáta en dípýrídamól. Algengustu aukaverkanir lyfsins eru skammtaháðar, þær eru líklegri eftir því sem skammtar eru stærri. Þegar Persantin er notað með öðrum blóðþynnandi lyfjum eru skammtar tiltölulega litlir.

Tafla 100 mg Tafla

Notkun á lyfjum

LyfjaformTöflur til inntöku.
Venjulegar skammtastærðir100 mg í senn 4 sinnum á dag.
Hversu langur tími uns verkun kemur framEkki að fullu þekkt.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin. Koffein getur þó dregið úr áhrifum lyfsins.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsAukin hætta er á blóðtappamyndun þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða vart verður við svima eða uppköst skal hafa samband við lækni.
LangtímanotkunÁn vandkvæða.

Aukaverkanir

Algengustu aukaverkanir lyfsins eru ógleði (um 5%), lækkun á blóðþrýstingi (3%) og höfuðverkur (2%). Þessar aukaverkanir eru allar líklegri eftir því sem skammtar eru stærri.

Algengar aukaverkanir (>1%):
  • Höfuðverkur, svimi
    Leitið til læknis
  • Ógleði, niðurgangur
    Leitið til læknis
Sjaldgæfar aukaverkanir (<1%):
  • Útbrot, kláði
    Leitið til læknis
  • Verkur fyrir brjósti, hraður hjartsláttur
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Dípýrídamól getur aukið blóðþrýstingslækkandi áhrif blóðþrýstinglækkandi lyfja og eykur hamlandi verkun asetýlsalicýlsýru gegn samloðun blóðflagna. Náttúrulyfið ginkgo getur aukið blæðingahættu.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með lágan blóðþrýsting
  • þú sért með ofnæmi fyrir virka efninu eða einhverju hjálparefnanna
  • þú sért með vöðvaslensfár (myasthenia gravis)
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins. Athugið þó áhrif áfengis á önnur lyf sem kunna að vera gefin með dípýrídamóli.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.