Hjartamagnýl

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Hjartamagnýl

Opna mína lyfseðla
Segavarnarlyf

Lausasölulyf

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: AsetýlsalicýlsýraSkráð 1. júní 2007

Hjartamagnýl inniheldur virka efnið asetýlsalicýlsýru. Í stærri skömmtum (500-1000 mg) hefur efnið bólgueyðandi, verkjastillandi og hitalækkandi verkun en í minni skömmtum (75-150 mg) hemur efnið samloðun blóðflaga og lengir storknunartíma blóðs. Hjartamagnýl er notað til blóðþynningar. Það er notað fyrirbyggjandi gegn blóðtappamyndun, það minnkar líkur á blóðþurrðareinkennum frá heila og á slagi og er líka notað fyrirbyggjandi hjá sjúklingum með hjartaöng og hjartadrep.

Notkun á lyfjum

LyfjaformSýruþolnar töflur til inntöku.
Venjulegar skammtastærðir75-150 mg daglega. Sýruþolnu töflurnar gleypist heilar með vatnsglasi. Þær má hvorki mylja, brjóta né tyggja.
Hversu langur tími uns verkun kemur framEkki að fullu þekkt.
VerkunartímiEkki þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við eða undir stofuhita og varið raka þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef það gleymist yfir daginn skaltu sleppa skammtinum sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða vart verður við einhver óvenjuleg einkenni skal hafa samband við lækni. Einkenni ofskömmtunar eru suð fyrir eyrum, heyrnardeyfð, höfuðverkur, svimi og hraður andardráttur.
LangtímanotkunÁn vandkvæða.

Aukaverkanir

Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru notaðar.

Algengar aukaverkanir (>1%):
  • Meltingartruflanir
    Leitið til læknis
  • Óeðlilegar blæðingar
    Leitið strax til læknis
Sjaldgæfar aukaverkanir (<1%):
  • Svartar eða blóðugar hægðir, blóð í þvagi
    Leitið strax til læknis
  • Mæði eða öndunarerfiðleikar
    Leitið strax til læknis
  • Útbrot, kláði
    Leitið strax til læknis

Milliverkanir

Lyfið getur minnkað áhrif þvagræsilyfja og blóðþrýstingslækkandi lyfja. Náttúrulyfið ginkgo getur aukið blæðingahættu.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • Ef um astmalyf sé að ræða þarf eftirfarandi líka að koma fram:
  • grunur leiki á um þungun
  • þú sért með astma
  • þú sért með háan blóðþrýsting
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú hafir fengið magasár
  • þú takir einhver önnur lyf
  • þú sért með blæðingasjúkdóm
MeðgangaNotkun lyfsins er talin örugg í skömmtum sem eru innan við 100 mg á dag, undir eftirliti.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum yngri en 16 ára án samráðs við lækni.
Eldra fólkVenjulegar skammtastærðir. Geta verið viðkvæmari fyrir aukaverkunum lyfsins.
AksturLyfið hefur ekki áhrif á aksturshæfni.
ÁfengiGetur aukið ertandi áhrif lyfsins á magaslímhúð. Æskilegt er að halda áfengisneyslu í lágmarki meðan lyfið er tekið.
ÍþróttirLeyft við æfingar og í keppni.
AnnaðLyfið getur valdið ofnæmi.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.