Plenvu

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Plenvu

Opna mína lyfseðla
Hægðalyf

Lausasölulyf

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: MakrógólSkráð 16. október 2017

Plenvu er hægðalyf. Það er ætlað fullorðnum 18 ára og eldri fyrir sérhverja klíníska rannsókn þar sem hreinir þarmar eru nauðsyn. Plenvu hreinsar þarmana með því að valda niðurgangi. Plenvu kemur í 3 aðskildum skammtapokum. Fyrsti skammturinn er í einum poka og annar skammturinn er í tveimur skammtapokum, A og B.

Notkun á lyfjum

LyfjaformMixtúruduft, lausn
Venjulegar skammtastærðirMeðferðina má taka annað hvort sem eins dags eða tveggja daga áætlun, eins og lýst er að neðan: 1. Eins dags áætlun: Skammtur 1 og skammtur 2 teknir morguninn sem rannsóknin er gerð; skal taka seinni skammtinn að minnsta kosti 2 klukkustundum eftir að inntaka fyrri skammtsins hófst. Eða skammtur 1 og skammtur 2 teknir að kvöldi daginn fyrir rannsókn; skal taka seinni skammtinn að minnsta kosti 2 klukkustundum eftir að inntaka fyrri skammtsins hófst. 2. Tvegga daga áætlun: Skammtur 1 tekinn kvöldið fyrir rannsókn og skammtur 2 að morgni daginn sem rannsóknin er gerð um það bil 12 klukkustundum eftir að inntaka fyrri skammtsins hófst.
Hversu langur tími uns verkun kemur framFáeinir klukkutímar.
VerkunartímiFáeinir klukkutímar.
Þörf á að breyta mataræði meðan lyfið er tekiðEkki drekka áfengi, mjólk, neitt sem litað er rautt eða fjólublátt (t.d. sólberjasafa) eða aðra drykki sem innihalda aldinkjöt. Ekki borða meðan Plenvu er tekið og ekki fyrr en eftir rannsókn. Ef þú tekur Plenvu daginn fyrir rannsókn eða tveggja daga áætlun verður að hafa liðið að minnsta kosti 3 klst. frá mat áður en þú byrjar að taka Plenvu og eftir það máttu eingöngu drekka tæra vökva. Ef þú tekur lyfið að morgni rannsóknardags máttu fá tæra súpu og/eða hreint jógúrt í kvöldmat (sem skal vera lokið um það bil kl. 20.00). Þú mátt eingöngu drekka tæra vökva frá því eftir kvöldmat kvöldið fyrir rannsókn. Neyslu alls vökva skal stöðva að minnsta kosti 2 klukkustundum fyrir rannsókn ef hún er gerð í svæfingu, eða 1 klukkustund fyrir rannsókn ef hún er gerð án svæfingar.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistLyfið er ekki tekið að staðaldri.
Hvernig á að hætta töku lyfsinsLyfið er ekki tekið að staðaldri.
Ef tekinn er of stór skammturStakir skammtar sem eru litlu stærri en venjulegir ættu ekki að skapa vanda. Ef teknir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunLyfið er ekki ætlað til langtímanotkunar.

Aukaverkanir

Aukaverkanir lyfsins eru vægar og tiltölulega sjaldgæfar.

Algengar aukaverkanir (>1%):
  • Magaverkir
    Leitið til læknis
  • Ógleði
    Leitið til læknis
Sjaldgæfar aukaverkanir (<1%):
  • Hjartsláttarónot
    Leitið strax til læknis
  • Mæði eða útbrot og kláði
    Leitið strax til læknis
  • Sundl, Höfuðverkur, Uppköst
    Leitið strax til læknis

Milliverkanir

Látið lækninn, lyfjafræðing eða hjúkrunarfræðinginn vita um öll önnur lyf sem eru notuð, hafa nýlega verið notuð eða kynnu að verða notuð (getnaðarvarnarlyf meðtalin). Lyf til inntöku um munn gætu skolast í gegnum meltingarveginn og frásogast hugsanlega ekki fyllilega þegar þau eru tekin einni klukkustund fyrir, samtímis og einni klukkustund eftir að þú hefur tekið Plenvu. Ef þú notar getnaðarvarnartöflur gætir þú þurft að nota auk þess aðrar getnaðarvarnir (t.d. smokk) til að koma í veg fyrir þungun.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með hjartasjúkdóm
  • grunur leiki á um þungun eða að þú sért með barn á brjósti
  • þú sért með einhverja meltingarkvilla
  • þú sért með flogaveiki
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaEinungis skal nota lyfið ef læknirinn telur það nauðsynlegt.
BrjóstagjöfEinungis skal nota lyfið ef læknirinn telur það nauðsynlegt.
BörnBörn yngri en 18 ára skulu ekki nota Plenvu.
Eldra fólkVenjulegar skammtastærðir.
AksturPlenvu hefur ekki áhrif á hæfni þína til aksturs eða notkunar véla.
ÁfengiÞað má ekki drekka áfengi á meðan lyfið er tekið.
ÍþróttirLeyft við æfingar og í keppni.
AnnaðEf þú hefur ekki haft hægðir innan við 6 klukkustundum eftir töku Plenvu skaltu hætta inntöku og hafa tafarlaust samband við lækninn.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.