Varilrix

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Varilrix

Opna mína lyfseðla
Bóluefni

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Hlaupabólu-ristil veirurSkráð 1. október 1995

Hlaupabóla er sjúkdómur sem orsakaður er af veiru og er algengastur í börnum. Helstu einkenni sjúkdómsins eru bólur eða blettir í húð sem geta valdið miklum kláða sem breytast síðan í blöðrur og að lokum í sár. Sjúkdómurinn er mjög smitandi en þó ekki lífshættulegur. Þeir sem eru bólusettir hér á landi fyrir hlaupabólu eru þeir sem eru í mestri áhættu með að fá alvarlega hlaupabólu og einnig þeir einstaklingar sem umgangast slíka einstaklinga. Varilrix inniheldur veiklaða lifandi hlaupabólu-ristil veiru sem á að vekja upp mótefnasvörun í líkamanum án þess að fólk veikist af hlaupabólu og veitir þannig vörn gegn sjúkdómnum.

Notkun á lyfjum

LyfjaformStungulyf undir húð.
Venjulegar skammtastærðirBörn 9 mánaða til 12 ára: 2 skammtar gefnir með 6 vikna millibili. Unglingar og fullorðnir frá 13 ára aldri: 2 skammtar gefnir með 6 vikna millibili. Einstaklingar í áhættuhópi gætu þurft að fá viðbótarskammt.
Hversu langur tími uns verkun kemur framU.þ.b. 6 vikur.
VerkunartímiHjá börnum á aldrinum 12-15 mánaða helst virknin í um 7 ár. Ekki er vitað með vissu hvað bólusetningin dugar í langan tíma hjá öðrum aldurshópum.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum á köldum stað (2-8°C) þar sem börn hvorki ná til né sjá.
Ef skammtur gleymistEf skammtur gleymist ber að gefa hann um leið og munað er eftir því þar sem möguleiki er að ekki hafi myndast nægilegt magn af mótefnum. Ekki má gefa tvo skammta í einu.
Hvernig á að hætta töku lyfsinsEkki er talið æskilegt að hætta gjöf lyfsins fyrr en allir skammtar hafa verið gefnir þar sem líkur eru á að ekki hafi myndast nægilegt magn af mótefni.
Ef tekinn er of stór skammturÁ ekki við.
LangtímanotkunLyfið er ekki ætlað til langtímanotkunar.

Aukaverkanir

Aukaverkanir eru yfirleitt vægar.

Algengar aukaverkanir (>1%):
  • Eymsli og bólga á stungustað
    Leitið til læknis
  • Hiti
    Leitið til læknis
Sjaldgæfar aukaverkanir (<1%):
  • Hlaupabóluútbrot
    Leitið strax til læknis
Aukaverkanir með óþekkta tíðni:
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Hafi viðkomandi fengið ónæmisglóbúlín eða blóðgjöf skal fresta bólusetningu um a.m.k. 3 mánuði. Lyfið má ekki gefa samtímis öðrum lifandi veikluðum bóluefnum.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með hita eða sýkingu
  • þú sért með skert ónæmiskerfi
MeðgangaLyfið er ekki ætlað konum á meðgöngu. Kona má ekki verða þunguð fyrr en þremur mánuðum eftir gjöf á bóluefninu.
BrjóstagjöfEkki er vitað hvort lyfið berst í brjóstamjólk.
BörnVenjulegar skammtastærðir.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðAdrenalín stungulyf verður að vera til staðar ef til bráðaofnæmis eða annarra ofnæmisviðbragða kemur. Bóluefnið má ekki gefa í æð.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.