Ciflox

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Ciflox

Opna mína lyfseðla
Eyrnalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Cíprófloxacín_, Hýdrókortisón_Skráð 1. maí 2021

Ciflox er notað við hlustarbólgu af völdum sýkla sem eru næmir fyrir cíprófloxacíni. Lyfið inniheldur tvö virk efni, sýklalyfið cíprófloxacín og hýdrókortisón sem er vægur steri. Cíprófloxacín er breiðvirkt sýklalyf. Það hindrar afritun erfðaefnis í bakteríum og kemur með því móti í veg fyrir frumuskiptingu og fjölgun þeirra. Lyfið þolist yfirleitt vel og aukaverkanir þess eru tiltölulega fátíðar. Hýdrókortisón er sterahormón sem myndast í nýrnahettunum. Hér er það notað staðbundið til þess að draga úr bólgum, kláða og ofnæmiseinkennum, en það bælir myndun efna sem framkalla bólgur og virkja ónæmiskerfið. Hýdrókortisón er oft notað í samsetningu með öðrum virkum efnum sem hafa sýkla- eða sveppadrepandi áhrif, rétt eins og í þessu lyfi, til þess að slá á kláða og útbrot sem fylgja sýkingum.

Notkun á lyfjum

LyfjaformEyrnadropar.
Venjulegar skammtastærðir3 dropar í sýkt eyra 2svar á dag í 7 daga. Ráðlagt er að liggja og snúa eyranu upp og láta dropana drjúpa inn í eyrað. Glasið skal hrista fyrir notkun.
Hversu langur tími uns verkun kemur framMisjafnt eftir því hversu næmir sýklarnir eru fyrir lyfinu.
VerkunartímiUm 12 klst. eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Nota skal lyfið innan 2ja vikna frá því að innri umbúðir eru opnaðar.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið jafn lengi og læknir segir til um. Ef notkun er hætt of snemma getur sýkingin náð sér aftur á strik, jafnvel þótt einkenni hennar hafi verið horfin.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef vart verður við einhver óvenjuleg einkenni skal hafa samband við lækni.
LangtímanotkunLyfið er nær eingöngu notað í skamman tíma við tilfallandi sýkingum í eyrum.

Aukaverkanir

Algengar aukaverkanir (>1%):
  • Minna snertiskyn og breytt húðskyn
    Leitið til læknis
  • Útbrot og mikill kláði
    Leitið til læknis

Milliverkanir

Engar þekktar milliverkanir eru við þetta lyfjaform.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með gat á hljóðhimnu
MeðgangaTakmörkuð reynsla er af notkun lyfsins hjá þunguðum konum.
BrjóstagjöfUpplýsingar skortir til þess að meta áhættu fyrir barnið ef mjólkandi móðir tekur lyfið.
BörnLyfið er ekki ætlað börnum yngri en 2ja ára.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÁfengi hefur ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.