Daktacort

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Daktacort

Opna mína lyfseðla
Sveppalyf við húðsjúkdómum

Lausasölulyf/Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Hýdrókortisón_, Míkónazól_Skráð 1. apríl 1986

Daktacort inniheldur tvö virk efni, míkónazól og hýdrókortisón. Míkónazól hefur sveppadrepandi áhrif. Það vinnur á margar sveppategundir sem er algengt að valdi sýkingum og lyfið er borið staðbundið á húð. Hýdrókortisón er sterahormón, notað staðbundið, og til að draga úr bólgum, kláða og ofnæmiseinkennum. Lyfið bælir myndun á efnum sem framkalla bólgur og virkja ónæmiskerfið. Daktacort hentar þess vegna vel þegar sveppasýkingin veldur ákafri ertingu í húð.

Notkun á lyfjum

LyfjaformÚtvortis krem.
Venjulegar skammtastærðirBorið á í þunnu lagi á sýkt húðsvæði 1-2svar á dag. Til að fyrirbyggja endursýkingu þarf að halda meðferð áfram í 1-2 vikur eftir að einkenni sýkingar eru horfin.
Hversu langur tími uns verkun kemur framMisjafnt eftir ástandi sjúklings, staðsetningu sýkingarinnar og næmi sveppa fyrir lyfinu.
VerkunartímiMisjafn eftir ástandi sjúklings.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum á köldum stað (2-8°C) þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið jafn lengi og læknir segir fyrir um. Æskilegt er að nota lyfið í minnst 1 viku eftir að öll einkenni sýkingar eru horfin. Ef notkun lyfsins er hætt of snemma aukast líkur á að sýkingin nái sér á strik aftur.
Ef tekinn er of stór skammturStakir skammtar sem eru litlu stærri en venjulegir ættu ekki að skapa vanda. Ef notaðir eru mjög stórir skammtar eða vart verður við óvenjuleg einkenni skal strax hafa samband við lækni.
LangtímanotkunLyfið skal einungis nota í skamman tíma. Hýdrókortisón getur valdið húðþynningu ef það er notað útvortis í langan tíma.

Aukaverkanir

Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru notaðar.

Sjaldgæfar aukaverkanir (<1%):
  • Útbrot og mikill kláði
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með hlaupabólu
MeðgangaEngin þekkt áhætta er af notkun lyfsins á meðgöngu. Ekki nota nein lyf á fyrstu 3 mánuðum meðgöngu nema í samráði við lækni.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnVenjulegar skammtastærðir.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÁfengi hefur ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.