HTH krem - forskriftarlyf

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

HTH krem - forskriftarlyf

Opna mína lyfseðla
Barksterar húðlyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Hýdrókortisón_, Tretínóín, HýdrókínónSkráð 1. júní 2019

HTH krem er forskriftarlyf lækna. Það þýðir að ekki eru gerðar sömu kröfur um merkingu, klínískar rannsóknir eða fylgiseðil eins og til skráðra lyfja. Því eru engar upplýsingar um lyfið í Sérlyfjaskrá. HTH krem inniheldur 3 virk efni, hýdrókínón, tretínóín og hýdrókortisón. Hydrókínón er efni sem hindrar myndun á melaníni sem er litarefni í húðinni. Hýdrókínón lýsir dökka bletti eða skellur í andliti. Tretínóín er A vítamín afleiða sem hjálpar til við endurnýjun húðar. Meðal annars jafnar tretínóín húðlit og eykur virkni hýdrókínón sé það notað saman í blöndu. Hýdrókortisón er sterahormón sem myndast í nýrnahettunum. Lyfið er notað staðbundið til þess að draga úr bólgum, kláða og ofnæmiseinkennum, en það bælir myndun efna sem framkalla bólgur og virkja ónæmiskerfið. Hýdrókortisón er vægur steri og er notaður í blöndu með hýdrókínón til að vinna gegn bólgumyndun sem hýdrókínón getur valdið. HTH krem er notað við dökkum húðskellum.

Notkun á lyfjum

LyfjaformÚtvortis krem.
Venjulegar skammtastærðirSamkvæmt fyrirmælum læknis.
Hversu langur tími uns verkun kemur framAð lágmarki 4 vikur en oft á tíðum 8-12 vikur þar til árangur er farinn að sjást.
VerkunartímiEngar upplýsingar.
GeymslaGeymist við stofuhita.
Ef skammtur gleymistEkki tvöfalda skammt sem gleymist.
Hvernig á að hætta töku lyfsinsEkki hætta að nota kremið nema í samráði við lækni.
Ef tekinn er of stór skammturLítil hætta er á öðrum einkennum en staðbundinni ertingu undan lyfinu. Hafðu samband við lækni ef einhver óvenjuleg einkenni koma fram.
LangtímanotkunMeiri hætta er á að aukaverkanir lyfsins komi fram. Hýdrókortisón getur valdið húðþynningu þegar það er notað útvortis til langs tíma.

Aukaverkanir

Lyfið hefur ekki verið rannsakað með tilliti til aukaverkana. Leitaðu strax til læknis ef vart verður aukaverkana. Eftirfarandi aukaverkanir eru taldar hugsanlegar en listinn er ekki tæmandi.

Algengar aukaverkanir (>1%):
  • Erting, kláði og roði í húð
    Leitið til læknis
Sjaldgæfar aukaverkanir (<1%):
  • Húðþynning
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Milliverkanir við önnur lyf hafa ekki verið rannsökuð.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaMikilvægt er að forðast þungun meðan á meðferð stendur.
BrjóstagjöfEngar upplýsingar eru um notkun lyfsins meðan á brjóstagjöf stendur.
BörnEngar upplýsingar.
Eldra fólkEngar upplýsingar.
ÍþróttirInnihaldsefnin eru ekki bönnuð við æfingar og í keppni.
AnnaðHúðin er viðkvæmari fyrir sólarljósi meðan lyfið er tekið. Notið sólarvörn og verjið húð gegn geislum sólar.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.