Pevisone

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Pevisone

Opna mína lyfseðla
Sveppalyf við húðsjúkdómum

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Ekónazól, Tríamcínólón_Skráð 1. október 1988

Pevisone inniheldur tvö virk efni, ekónazól og tríamcínólón. Ekónazól er sveppalyf með sveppaheftandi verkun. Það verkar á sveppategundir sem eru algengastar að valda sýkingum í húð, auk þess sem lyfið hefur áhrif á nokkrar tegundir baktería. Tríamcínólón er notað við bólgusjúkdómum og ofnæmiseinkennum. Það bælir myndun efna sem framkalla bólgur og virkja ónæmiskerfið og hefur almennt sömu áhrif og svokallaðir sykursterar sem myndast í nýrnaberki. Sterar sem eru notaðir í húðlyf skiptast gróflega í 4 flokka eftir styrkleika. Tríamcínólón tilheyrir flokki 2, næstmildasta flokknum. Verkunartími þess er tiltölulega langur miðað við önnur skyld lyf. Pevisone er notað gegn ofnæmisútbrotum, bólgu og kláða í húð, og þar sem sveppasýking er líka til staðar.

Notkun á lyfjum

LyfjaformÚtvortis krem.
Venjulegar skammtastærðirBorið á sýkt húðsvæði í þunnu lagi 2svar á dag, kvölds og morgna. Lyfið er yfirleitt ekki notað lengur en í 10 daga.
Hversu langur tími uns verkun kemur framLyfið byrjar strax að verka en árangur kemur misjafnlega fljótt fram eftir ástandi sjúklings.
Verkunartími12-14 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsLyfið er aðeins notað í tiltekinn tíma við tilfallandi einkennum.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Stórir skammtar í langan tíma geta leitt til húðþynningar eða almennra aukaverkana. Hafðu samband við lækni ef vart verður við einhver óvenjuleg einkenni.
LangtímanotkunMeiri hætta er á að aukaverkanir lyfsins komi fram. Tríamcínólón getur valdið húðþynningu þegar það er notað lengi útvortis. Lyfið er hins vegar aðeins ætlað við tilfallandi sýkingum og í stuttan tíma.

Aukaverkanir

Algengar aukaverkanir (>1%):
  • Sviði, kláði eða roði í húð
    Leitið til læknis
Sjaldgæfar aukaverkanir (<1%):
  • Húðþynning, marblettir
    Leitið til læknis
  • Útbrot eða bólga í húð
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnGæta skal varúðar við meðhöndlun barna.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÁfengi hefur ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.