Brilique

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Brilique

Opna mína lyfseðla
Segavarnarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: TicagrelorSkráð 1. júní 2011

Brilique inniheldur virka efnið ticagrelor. Það tilheyrir lyfjaflokki sem kallast blóðflöguhemjandi lyf. Brilique er notað samhliða asetýlsalisýlsýru (sem er annað blóðflöguhemjandi lyf) hjá fullorðnum eingöngu. Lyfið er gefið einstaklingum sem hafa fengið hjartaáfall, fyrir meira en ári síðan. Lyfið minnkar líkurnar á öðru hjartaáfalli, heilaslagi eða andláti af öðrum sjúkdómum sem tengist hjartanu eða æðum. Brilique verkar á svokallaðar blóðflögur. Þessar örlitlu frumur í blóðinu aðstoða við að stöðva blæðingu með því að loða saman og mynda þannig tappa í örsmá göt í særðum eða skemmdum æðum. Blóðflögur geta einnig myndað tappa innan í sjúkum æðum í hjarta eða heila.

Tafla 90 mg Tafla

Notkun á lyfjum

LyfjaformTöflur til inntöku.
Venjulegar skammtastærðirVenjulegur skammtur er 1 tafla tvisvar á sólarhring.
VerkunartímiUm 7-10 dagar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsAukin hætta er á blóðtappamyndun þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturOfskömmtun getur lengt blæðingartíma. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunÁn vandkvæða, en reglulegt eftirlit hjá lækni er nauðsynlegt.

Aukaverkanir

Brilique hefur áhrif á blóðstorknun, svo flestar aukaverkanir tengjast blæðingum. Blæðingar geta orðið í öllum hlutum líkamans. Sumar blæðingar eru algengar (svo sem marblettir og blóðnasir). Alvarlegar blæðingar eru sjaldgæfar, en geta verið lífshættulegar.

Sjaldgæfar aukaverkanir (<1%):
  • Blóð í þvagi, augnblæðing
    Leitið strax til læknis
  • Slappleiki eða doði í höndum eða fótum
    Leitið strax til læknis
  • Blæðing í heila eða innan höfuðkúpu
    Leitið strax til læknis

Milliverkanir

Lyfið getur milliverkað við ýmis lyf. Listinn er ekki tæmandi.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með ofnæmi fyrir virka efninu eða einhverju hjálparefnanna
  • þú hafir blæðingartilhneigingu
  • þú sért með lifrarsjúkdóm
  • þú hafir fengið heilablóðfall eða heilablæðingu
MeðgangaNotkun Brilique er ekki ráðlögð ef þú ert barnshafandi eða getur orðið barnshafandi. Konur eiga að nota örugga getnaðarvörn til að koma í veg fyrir þungun meðan þær taka þetta lyf.
BrjóstagjöfRæddu við lækninn áður en þú tekur Brilique ef þú ert með barn á brjósti. Hann mun ræða við þig um ávinning og áhættu ef Brilique er notað á þessum tíma.
AksturEkki er talið líklegt að Brilique hafi áhrif á getu til aksturs eða notkunar véla. Gættu varúðar við akstur eða notkun véla ef þú finnur fyrir sundli eða ringlun meðan á töku lyfsins stendur.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.