Tamiflu

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Tamiflu

Opna mína lyfseðla
Veirusýkingalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: OseltamivírSkráð 1. nóvember 2002

Tamiflu, sem inniheldur virka efnið oseltamivír, er notað sem meðferð eða fyrirbyggjandi gegn inflúensu þegar inflúensuveira er að ganga í samfélaginu. Mesta virkni í inflúensumeðferð er að fá þegar oseltamivír er tekið innan tveggja daga frá því að fyrstu einkenna verður vart. Hvernig nota eigi oseltamivír fyrirbyggjandi gegn inflúensu er ákveðið í hverju tilviki fyrir sig, eða eftir aðstæðum og einstaklingum sem á vörninni þurfa að halda. Verkunarmáti oseltamivír er tvíþættur, að hamla losun á nýmynduðum veiruögnum hjá smituðum frumum og varna því að veirusýkingin dreifist um líkamanum. Oseltamivír kemur ekki í stað inflúensubólusetningar.

Notkun á lyfjum

LyfjaformHylki til inntöku.
Venjulegar skammtastærðirMeðferð, fullorðnir og börn 13 ára og eldri: 75 mg 2svar á dag. Börn 1-12 ára: 30-75 mg 2svar á dag, háð líkamsþyngd. Fyrirbyggjandi fyrir fullorðna og börn 13 ára og eldri: 75 mg einu sinni á dag. Börn 1-12 ára: 30-75 mg á dag. Meðferð stendur í 5 daga en forvörn í 10 daga og í allt að 6 vikur hafi inflúensa brotist út í umhverfinu.
Hversu langur tími uns verkun kemur framMisjafnt eftir ástandi sjúklings og hvenær meðferð með lyfinu er hafin.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsTaktu lyfið eins lengi og læknir segir til um. Að öðru leyti er engum vandkvæðum bundið að hætta töku lyfsins.
Ef tekinn er of stór skammturEngar upplýsingar liggja fyrir um ofskömmtun. Gera má ráð fyrir því að fram komi ógleði með eða án uppsölu og svimi. Við ofskömmtun eiga sjúklingar að hætta meðferðinni og hafa samband við lækni.
LangtímanotkunLyfið er ekki ætlað til langtímanotkunar.

Aukaverkanir

Algengar aukaverkanir (>1%):
  • Blóðnasir
    Leitið til læknis
  • Eyrnakvillar
    Leitið til læknis
  • Höfuðverkur, svefnleysi
    Leitið til læknis
  • Hósti, nefstífla
    Leitið til læknis
  • Kviðverkir, meltingartruflanir
    Leitið til læknis
  • Ógleði, uppköst, niðurgangur
    Leitið til læknis
  • Öndunarerfiðleikar
    Leitið til læknis
  • Sundl, þreyta, verkir
    Leitið til læknis
  • Svimi
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Krampar og óráð
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjarta- eða æðasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með skerta nýrnastarfsemi
  • þú sért með öndunarfærasjúkdóm
  • þú takir einhver önnur lyf
  • þú sért með skert ónæmiskerfi
MeðgangaÞungaðar konur mega taka lyfið inn, samkvæmt læknisráði.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 1 árs nema í heimsfaraldri. Skammtastærðir eru háðar líkamsþyngd.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.