Methotrexate Orion

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Methotrexate Orion

Opna mína lyfseðla
Lyf til ónæmisbælingar

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: MetótrexatSkráð 5. ágúst 2016

Metótrexat tilheyrir flokki efna sem koma í veg fyrir myndun eða nýtingu ýmissa lífsnauðsynlegra efna í frumum. Metótrexat hindrar myndun fólínsýru í frumum, en fólínsýra er nauðsynleg fyrir nýmyndun erfðaefnis. Áhrif metótrexats eru mest þar sem frumuskipting er hvað örust, eins og í illkynja æxlisfrumum, beinmerg, fósturfrumum, húðfrumum og í slímhúð meltingarfæra. Hjá fullorðnum er Methotrexate Orion Pharma notað við liðagigt, alvarlegum og þrálátum sóra og alvarlega sóraliðagigt. Methotrexate Orion Pharma er einnig notað sem viðhaldsmeðferð við bráðu eitilfrumuhvítblæði hjá fullorðnum, unglingum og börnum 3 ára og eldri. Þegar metótrexat er notað í stórum skömmtum er hægt að gefa afbrigði af fólínsýru með lyfinu til að draga úr eiturverkunum þess. Heilbrigðar frumur nýta fólínsýruna betur en krabbameinsfrumur. Þeir sem þjást af skemmdum í lifur, nýrum eða beinmerg, hafa alvarlegan lungnasjúkdóm eða neyta áfengis í óhófi eiga ekki að nota lyfið.

Notkun á lyfjum

LyfjaformTöflur til inntöku.
Venjulegar skammtastærðir7,5-15 mg í senn einu sinni í viku.
Hversu langur tími uns verkun kemur fram3-6 vikur.
VerkunartímiEinstaklingsbundið
Þörf á að breyta mataræði meðan lyfið er tekiðForðast skal áfengi, og einnig mikið magn af kaffi, gosdrykkjum sem innihalda koffín og svörtu tei, meðan á meðferð stendur. Vertu samt sem áður viss um að þú drekkir mikið magn af vökva þar sem vökvaskortur getur aukið aukaverkanirnar af völdum methotrexats.
GeymslaGeymist í lokuðum umbúðum við stofuhita þar sem börn hvorki ná til né sjá, helst í læstum skáp.
Ef skammtur gleymistTaktu gleymda skammtinn um leið og þú manst eftir ef það er innan tveggja daga. Ef þú gleymdir skammti lengur en í tvo daga skaltu þó leita ráða hjá lækninum. Ekki á að tvöfalda skammt til að bæta upp skammt sem gleymst hefur að taka.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturEf of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa tafarlaust samband við lækni, sjúkrahús eða eitrunarmiðstöð (sími 543 2222). Ofskömmtun methotrexats getur leitt til alvarlegra eiturverkana, þ.m.t. andláts.
LangtímanotkunGjöf metótrexats í langan tíma og stórum skömmtum getur leitt til lifrarskemmda. Fylgjast þarf með lifrarstarfsemi. Fylgjast þarf með blóðhag, lifrar- og nýrnastarfsemi á meðan lyfið er notað.

Aukaverkanir

Tíðni aukaverkana er háð skammtastærð. Algengustu aukaverkanir lyfsins eru óþægindi í meltingarvegi, s.s. ógleði og magaverkir. Það getur valdið bandvefsmyndun í lungum. Ef vart verður við þurran hósta eða önnur slík óþægindi skal hafa samband við lækni strax.

Algengar aukaverkanir (>1%):
  • Hárlos
    Leitið til læknis
  • Höfuðverkur, svimi
    Leitið til læknis
  • Lystarleysi
    Leitið til læknis
  • Ógleði, uppköst, niðurgangur
    Leitið til læknis
  • Sýkingar
    Leitið til læknis
Sjaldgæfar aukaverkanir (<1%):
  • Aukin þvaglát eða þvagtregða
    Leitið til læknis
  • Gula
    Leitið til læknis
  • Sár í munni
    Leitið til læknis
  • Þokusýn
    Leitið til læknis
  • Svartar eða blóðugar hægðir, blóð í þvagi
    Leitið strax til læknis
  • Verkur í fótum, nára eða fyrir brjósti
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • hvort þú sért með sykursýki
  • grunur leiki á um þungun eða að þú sért með barn á brjósti
  • þú sért með blóðsjúkdóm
  • þú sért með langvarandi lifrar- eða nýrnasjúkdóm
  • þú sért með maga- eða skeifugarnarsár
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með áfengissýki
  • þú sért með einhverja sýkingu
  • þú sért með bólgu, sár eða sýkingu í munnholi
MeðgangaLyfið skal ekki nota á meðgöngu, það eykur líkur á fósturskaða. Þú verður að forðast þungun og nota öruggar getnaðarvarnir á meðan meðferð stendur og í að minnsta kosti 6 mánuði eftir að meðferðinni lýkur.
BrjóstagjöfLyfið berst í brjóstamjólk og getur haft áhrif á barnið og því skal ekki vera með barn á brjósti á meðan meðferð stendur.
BörnLyfið er ekki ætlað börnum 3 ára og yngri. Börn og unglingar sem fá meðferð með methotrexati skulu vera undir nánu eftirliti læknis.
Eldra fólkMinni skammtar eru oft notaðir. Aldraðir sem fá meðferð með methotrexati skulu vera undir nánu eftirliti læknis.
AksturLyfið getur valdið svima og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiEykur líkur á lifrarskaða. Æskilegt er að halda áfengisneyslu í lágmarki meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.