Prograf

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Prograf

Opna mína lyfseðla
Lyf til ónæmisbælingar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: TakrólímusSkráð 1. júní 2010

Prograf er mjög öflugt ónæmisbælandi lyf, sem hefur það hlutverk að koma í veg fyrir að líkaminn hafni ígæddu líffæri. Eftir líffæraígræðslu (lifur, nýra eða hjarta) reynir ónæmiskerfi líkamans að hafna nýju líffæri. Til að hindra höfnunina eftir ígræðsluna er nauðsynlegt að gefa ónæmisbælandi lyf ævilangt. Prograf er notað til að stjórna ónæmissvörun líkamanns og gerir honum kleift að sætta sig við ígrætt líffæri. Virka efnið, takrólímus, hefur það hlutverk að hindra framleiðslu frumudrepandi eitilfruma sem bera meginábyrgð á höfnun líffæris við ígræðslu. Með því dregur Prograf úr mætti varnarkerfi líkamans og því geta alvarlegir fylgikvillar fylgt í kjölfarið, eins og sýkingar ásamt mörgum aukaverkum.

Tafla 0,5 mg Hylki

Notkun á lyfjum

LyfjaformHylki til inntöku.
Venjulegar skammtastærðirSkammtar eru háðir einstaklingum og hvert ígrædda líffærið er. Lyfið er tekið 2svar á dag á fastandi maga, eða a.m.k. 1 klst. fyrir eða 2-3 klst. eftir máltíð. Hylkin gleypist heil með vatnsglasi strax eftir að þau eru tekin úr þynnunni.
Hversu langur tími uns verkun kemur framInnan 2ja klst. frá inntöku.
Þörf á að breyta mataræði meðan lyfið er tekiðForðast skal neyslu greipaldins og greipaldinsafa.
GeymslaGeymist í lokuðum, upprunalegum umbúðum við stofuhita, varið raka, þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturHafðu samband við lækni eða næstu bráðamóttöku tafarlaust.
LangtímanotkunFylgjast þarf reglulega með líðan sjúklingsins og styrk lyfsins í blóði.

Aukaverkanir

Lyfið veikir varnakerfi líkamans til að hann hafni ekki ígrædda líffærinu og því verður varnamáttur líkamans til að verjast sýkingum ekki eins mikill. Aukaverkanir Prografs eru margar og listinn hér að neðan er ekki tæmandi. Eingöngu algengar aukaverkanir lyfsins eru taldar upp.

Algengar aukaverkanir (>1%):
  • Blóðsykurs- og blóðkalíumhækkun
    Leitið til læknis
  • Gula
    Leitið til læknis
  • Hár eða lágur blóðþrýstingur, blæðingar
    Leitið til læknis
  • Höfuðverkur, skjálfti
    Leitið til læknis
  • Hósti, nefstífla
    Leitið til læknis
  • Krampar, truflanir á meðvitund, dofi, skyntruflanir, sundl og taugakvillar
    Leitið til læknis
  • Kvíði, rugl, ráðleysi, þunglyndi, skaptruflanir, martröð, ofskynjanir, geðtruflanir
    Leitið til læknis
  • Liðverkir, sinadráttur, verkir í útlimum og bakverkur
    Leitið til læknis
  • Máttleysi, hiti, bjúgur, vanlíðan, verkir og þyngdaraukning
    Leitið til læknis
  • Meltingartruflanir, hægðatregða, vindgangur, linar hægðir, uppþemba og þan.
    Leitið til læknis
  • Minnkuð matarlyst
    Leitið til læknis
  • Ógleði, uppköst, verkir í meltingarvegi og kvið
    Leitið til læknis
  • Skalli, þrymlabólur og aukin svitamyndun
    Leitið til læknis
  • Suð fyrir eyrum
    Leitið til læknis
  • Svefnörðugleikar
    Leitið til læknis
  • Sýkingar
    Leitið til læknis
  • Útbrot, kláði
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Hraður hjartsláttur
    Leitið strax til læknis
  • Mæði, bólga í öndunarfærum
    Leitið strax til læknis
  • Skert nýrnastarfsemi, óeðlileg þvaglát og einkenni frá þvagrás
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis
  • Þokusýn, ljósfælni og augnkvilli
    Leitið strax til læknis

Milliverkanir

Prograf umbrotnar í lifrinni fyrir tilstilli lifrarensíms sem hefur áhrif á mörg önnur lyf. Varast skal notkun náttúrulyfja, og þ.á.m. Jóhannesarjurtar og lyfið getur haft áhrif á virkni bólusetningar. Þau lyf sem geta haft örvandi, hamlandi eða möguleg áhrif á Prograf eru talin upp hér að neðan.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjartasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með skerta lifrar- eða nýrnastarfsemi
  • þú takir einhver önnur lyf
MeðgangaLyfið fer yfir fylgju. Meta þarf ávinning fyrir móður gagnvart hugsanlegri áhættu fyrir fóstrið.
BrjóstagjöfLyfið berst í brjóstamjólk og skal því ekki nota á meðan barn er haft á brjósti.
BörnSkammtar eru einstaklingsbundnir.
Eldra fólkSkammtar eru einstaklingsbundnir.
AksturLyfið getur valdið truflunum á sjón- og taugakerfi. Ef þú finnur fyrir svima, syfju eða þú átt í erfiðleikum með að sjá skýrt eftir notkun lyfsins skalt þú ekki aka bíl.
ÁfengiÁfengi ætti ekki að nota á meðan meðferð stendur því það getur valdið truflunum á sjón- og taugakerfi.
ÍþróttirLeyft við æfingar og í keppni.
AnnaðGæta skal sérstakrar varúðar við val á getnaðarvörn þar sem lyfið getur dregið úr úthreinsun getnaðarvarnalyfja. Hafir þú niðurgang lengur en í einn dag, skalt þú segja lækninum þínum frá því sem fyrst. Einnig skal forðast sólarljós og útfjólublátt ljós þar sem lyfið getur hugsanlega valdið illkynja húðbreytingum.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.