Dymista

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Dymista

Opna mína lyfseðla
Neflyf

Lausasölulyf/Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: Flútíkasónprópíónat, azelastínhýdróklóríðSkráð 1. október 2019

Dymista er lyf sem notað er við ofnæmiskvefi þegar önnur lyf eru ekki talin fullnægjandi. Lyfið inniheldur 2 virk innihaldsefni, azelastínhýdróklóríð og flútíkasónprópíónat. Azelastínhýdróklóríð er andhistamin, ofnæmislyf, sem hindrar áhrif histamíns í líkamanum, en histamín er það boðefni sem veldur helstu einkennum ofnæmis. Azelastínhýdróklóríð minnkar þar með einkenni ofnæmis eða kemur í veg fyrir það. Flútíkasónprópíónat er barksteri sem hefur öflug bólgueyðandi áhrif og dregur úr bólgum af völdum ofnæmis. Helstu einkenni ofnæmiskvefs eru nefrennsli, hnerri, stíflað nef og kláði í nefi og augum en lyfið dregur úr ofnæmiseinkennum bæði frá nefi og augum. Einkennin geta komið fram á ákveðnum árstímum og orsakast af frjókornum frá grasi eða trjám en einnig geta meðal annars dýr, rykmaurar og myglusveppir valdið ofnæmiseinkennum.

Notkun á lyfjum

LyfjaformNefúði.
Venjulegar skammtastærðirFullorðnir og börn eldri en 12 ára: 1 úði í hvora nös 2svar á dag (að morgni og að kvöldi). Reglugleg notkun er nauðsynleg til að ná fullum árangri.
Hversu langur tími uns verkun kemur framVið ofnæmiseinkenni næst verkun innan 15 mín.
VerkunartímiUm 1 sólarhring.
Þörf á að breyta mataræði meðan lyfið er tekiðEngin.
GeymslaGeymist við stofuhita þar sem börn hvorki ná til né sjá. Lyfið má ekki geyma í kæli og má ekki frjósa. Geymsluþol lyfsins er 6 mánuðir eftir að notkun hefst.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við óvenjuleg einkenni skal hafa samband við lækni. Ef einhver, sérstaklega ef um barn er að ræða, drekkur Dymista nefúða fyrir slysni, skaltu hafa samband við lækninn eða bráðamóttöku næsta sjúkrahúss eins fljótt og mögulegt er.
LangtímanotkunÁn vandkvæða.

Aukaverkanir

Algengt er að bragðskynstruflanir komi fyrir eftir notkun. Oft tengist það að höfðinu sé hallað of mikið aftur þegar lyfið er notað.

Algengar aukaverkanir (>1%):
  • Biturt bragð
    Leitið til læknis
  • Blóðnasir
    Leitið til læknis
  • Höfuðverkur
    Leitið til læknis
Sjaldgæfar aukaverkanir (<1%):
  • Erting í nefi
    Leitið til læknis
  • Munnþurrkur
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Aðrir sterar, m.a. til inntöku og inndælingar, útvortis á húð og í astmalyfjum, geta haft áhrif á verkun lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • hvort þú sért með gláku eða hækkaðan augnþrýsting
  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með sýkingu eða áverka í nefi
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 12 ára.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.