Otrason

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Otrason

Opna mína lyfseðla
Neflyf

Lausasölulyf/Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: FlútíkasónprópíónatSkráð 1. ágúst 2022

Flútíkasónprópíónat er notað við bólgusjúkdómum og ofnæmiseinkennum. Það bælir myndun efna sem framkalla bólgur og virkja ónæmiskerfið. Lyfið hefur almennt sömu áhrif og svokallaðir sykursterar sem myndast í nýrnaberki. Flútíkasónprópíónat dregur líka úr flæði á bólgumyndandi efnum til lungna og getur með því móti minnkað eða útrýmt bólgum í nefi og lungum. Otrason er notað við nefkvefi en nefkvef er bólgusjúkdómur. Regluleg notkun flútíkasónprópíónats minnkar bólgurnar og slær á einkennin, óháð því hvort sjúkdómurinn er af völdum ofnæmis eða ekki.

Notkun á lyfjum

LyfjaformNefúði.
Venjulegar skammtastærðirFullorðnir og börn eldri en 12 ára: 2 skammtar í hvora nös 1 sinni á dag, helst að morgni. Börn 4-11 ára: 1 skammtur í hvora nös einu sinni á dag, helst að morgni. Börn og unglingar yngri en 18 ára eiga ekki að nota lyfið nema í samráði við lækni.
Hversu langur tími uns verkun kemur framLyfið byrjar strax að virka en vanalega næst ekki full verkun fyrr en eftir 3-4 daga.
VerkunartímiEkki að fullu þekktur en bólgurnar koma smám saman aftur ef sjúkdómurinn er til staðar og töku lyfsins er hætt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunÆskilegt er að læknir fylgist reglulega með árangri meðferðarinnar. Ef nefúðinn er notaður í langan tíma þarf að fylgjast reglulega með nefslímhimnunni.

Aukaverkanir

Algengar aukaverkanir (>1%):
  • Blóðnasir
    Leitið til læknis
  • Höfuðverkur
    Leitið til læknis
  • Óæskilegt bragð og lykt
    Leitið til læknis
  • Þurrkur og erting í nefi og hálsi
    Leitið til læknis
Sjaldgæfar aukaverkanir (<1%):
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með skerta starfsemi nýrnahettna
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 4ra ára.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.