Sporanox

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Sporanox

Opna mína lyfseðla
Sveppalyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: ÍtrakónazólSkráð 1. janúar 1995

Ítrakónazól, virka efnið í Sporanox, hefur sveppadrepandi verkun. Það hefur áhrif á fleiri sveppategundir en önnur skyld sveppalyf, t.d. ketókónazól, og aukaverkanir þess eru fátíðari. Það er notað við ýmsum sveppasýkingum, t.d. innvortis, í leggöngum eða í húð og nöglum. Það er einnig notað til að fyrirbyggja sveppasýkingar hjá einstaklingum með bælt ónæmiskerfi, t.d. alnæmissjúkum. Ítrakónazól getur haft áhrif á lifrarstarfsemi en hætta á því verður meiri þegar viðkomandi er með lifrarsjúkdóm fyrir. Breytingar á lifrarstarfsemi ganga til baka ef skammtar eru minnkaðir eða meðferð er hætt.

Tafla 100 mg Hylki

Notkun á lyfjum

LyfjaformHylki til inntöku.
Venjulegar skammtastærðir100-200 mg í senn 1-2svar á dag. Hylkin gleypist heil eftir máltíð.
Hversu langur tími uns verkun kemur framLyfið byrjar að verka innan nokkurra klst. frá inntöku. Þó líður lengri tími þangað til einkenni sýkingar minnka, allt eftir því hvar sýking er og hvaða sveppategund veldur henni.
VerkunartímiMeira en vika eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsTaktu lyfið svo lengi sem læknir segir til um eða ljúktu við skammtinn sem var úthlutaður, jafnvel þótt einkenni sýkingarinnar séu ekki lengur til staðar. Annars er hætta á því að sýkingin nái sér aftur á strik.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunÁn vandkvæða. Ítrakónazól er þó í langflestum tilfellum aðeins notað í skamman tíma.

Aukaverkanir

Algengustu aukaverkanir lyfsins eru einkenni frá meltingarvegi. Þessi einkenni koma fram hjá 5-6% þeirra sem taka lyfið.

Algengar aukaverkanir (>1%):
  • Óþægindi frá meltingarvegi
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hjartsláttarónot
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með hjartasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk.
BörnLítil reynsla er af notkun lyfsins hjá börnum. Lyfið er aðeins notað í undantekningartilfellum.
Eldra fólkVenjulegar skammtastærðir.
AksturLyfið getur valdið svima. Ekki aka bíl fyrr en reynsla er komin á það hvaða áhrif lyfið hefur.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.