Neotigason

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Neotigason

Opna mína lyfseðla
Psoriasislyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: AcitretínSkráð 1. apríl 1992

Neotigason er húðlyf til inntöku og notað til að meðhöndla psoríasis á mjög háu stigi þegar önnur lyfjameðferð hefur verið fullreynd en án árangurs. Lyfið er líka gefið við öðrum alvarlegum húðsjúkdómum sem trufla keratínmyndun húðar. Acitretín, virka efnið í Neotigason, tilheyrir flokki retínóíða og er efnafræðilega skylt A-vítamíni. Acitretín vinnur á móti myndun hornhúðar í húð svo og fleiri þáttum í starfsemi húðfrumna. Verkunarmáti lyfsins er ekki þekktur í smáatriðum. Bætandi áhrif lyfsins koma fram eftir nokkurra vikna notkun og einkenni sjúkdómsins koma ekki alltaf aftur í ljós þegar töku lyfsins lýkur.

Tafla 10 mg Hylki

Notkun á lyfjum

LyfjaformHylki til inntöku.
Venjulegar skammtastærðir25-50 mg á dag skipt í 1-3 skammta. Hylkin gleypist með mjólk eða mat.
Hversu langur tími uns verkun kemur framEftir nokkurra vikna notkun, eða eftir ástandi sjúklings.
VerkunartímiMisjafn eftir ástandi sjúklings.
Þörf á að breyta mataræði meðan lyfið er tekiðLyfið skal taka með mat eða mjólk.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsTaktu lyfið svo lengi sem læknir segir fyrir um. Einkenni sjúkdómsins geta aftur komið fram þegar töku lyfsins er hætt.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef barn tekur lyfið eða ef vart verður við einhver óvenjuleg einkenni skal hafa samband við lækni.
LangtímanotkunLyfið er ekki ætlað til langtímanotkunar. Æskilegt er að fylgjast reglulega með lifrarstarfsemi og blóðfitu á meðan lyfið er notað.

Aukaverkanir

Aukaverkanir lyfsins eru nokkuð tíðar. Flestum fækkar eða þær ganga til baka við það að minnka skammta eða hætta lyfjagjöf.

Algengar aukaverkanir (>1%):
  • Augnþurrkur, erting í augum
    Leitið til læknis
  • Blóðnasir
    Leitið til læknis
  • Hárlos
    Leitið til læknis
  • Húðþynning
    Leitið til læknis
  • Stökkar neglur
    Leitið til læknis
  • Þurrar varir, munnur eða nef
    Leitið til læknis
  • Þurr og flagnandi húð, kláði
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Bjúgur í útlimum
    Leitið strax til læknis
  • Mikill höfuðverkur, ógleði, uppköst og sjóntruflanir
    Leitið strax til læknis

Milliverkanir

Forðastu að taka inn auka skammta af A-vítamíni. Acitretín getur aukið frásog stera gegnum húð.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
  • þú sért með háa blóðfitu
  • þú sért með of mikið af A-vítamíni í líkamanum
MeðgangaHætta er á fósturskaða. Þungaðar konur eða konur sem hyggja á þungun mega ekki taka lyfið.
BrjóstagjöfLyfið berst í brjóstamjólk í það miklu magni að það getur haft áhrif á barnið. Hætta skal brjóstagjöf á meðan lyfið er notað.
BörnLyfið er ekki venjulega ekki ætlað börnum.
Eldra fólkVenjulegar skammtastærðir.
AksturLyfið getur hamlað nætursjón og þannig dregið úr aksturshæfni í myrkri.
ÁfengiEkki neyta áfengis meðan lyfið er tekið og í tvo mánuði eftir að lyfjagjöf hefur verið hætt.
ÍþróttirLeyft við æfingar og í keppni.
AnnaðMikilvægt er að konur á barneignaaldri noti örugga getnaðarvörn meðan á meðferð stendur og í minnst 2 ár eftir að meðferð lýkur.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.