Lifum heil

Guðrún og Nadia og eru sjúkraþjálfarar sem reka Orka Studio þar sem þær sérhæfa sig í fræðslu og þjálfun kvenna á meðgöngu og eftir barnsburð. Eftir meðgöngu og fæðingu getur það verið áskorun að finna tengingu við grindarbotninn aftur.

Það skiptir höfuðmáli að velja hreinar vörur, án óþarfa aukaefna sérstaklega á fyrstu mánuðum og árum ævinnar. Húð barna er mun viðkvæmari en húð fullorðinna og því þarf að skoða mjög vel hvaða efni fara á húð þeirra.

Það tekur aðeins örfáar mínútur að taka heyrnarpróf Lyfju Heyrnar á netinu. Það eina sem þú þarft að gera er að koma þér vel fyrir á hljóðlátum stað og hafa heyrnartól við höndina. 

HS er algengur langvarandi sjúkdómur sem fáir þekkja til. Út frá rannsóknum á vestrænum löndum ættu að minnsta kosti 1200 manns að vera með HS á Íslandi. Líklega fleiri konur en karlar. Stærsti áhættuþáttur eru erfðir, reykingar og offita.

Næring á meðgöngu skiptir ekki aðeins sköpum fyrir vöxt og þroska barnsins í móðurkviði – hún er líka lykilatriði fyrir vellíðan og heilsu þeirra sem ganga með barn.

Breytingaskeiðið er ferli sem hefst þegar tíðahringir fara að verða óreglulegir og færri, oftast í kringum fimmtugsaldurinn. Þetta tímabil getur varað í 7 til 14 ár og kallar á sérstaka athygli á mataræði og lífsstíl þar sem hormónastarfsemi breytist verulega, einkum vegna minnkandi estrógenframleiðslu.

Á breytingaskeiðinu þá minnkar estrógenið hjá konum sem getur valdið breytingum á líkamanum. Frá 30 ára aldri getur vöðvamassinn minnkað allt að 3-5% á hverjum áratug og eykst enn frekar við breytingaskeiðið ef ekkert er gert.

Svefnleysi getur verið ýmiss konar. Fólk getur átt í erfiðleikum með að sofna, haldast sofandi eða að svefngæði séu léleg eða óhagstæð. Öllu þessu fylgir oftast mikil dagþreyta. Við förum í gegnum nokkur svefnstig um nóttina og virðast þau öll mjög mikilvæg við að halda góðri heilsu.

Dr. Erla Björnsdóttur sem er klínískur sálfræðingur og doktor í líf- og læknavísindum og sérfræðingur í svefnrannsóknum veitir ráð um góðar svefnvenjur.

Svefnlyf geta nýst vel við ákveðnar aðstæður til að rjúfa vítahring skammtíma svefnleysis. Meðferðartími skal vera eins skammur og hægt er og ekki lengur en í 2-4 vikur samfleytt því jafnvel þótt lyfin hafi góða verkun til skamms tíma þá hafa rannsóknir sýnt að meðferð með þeim gagnist ekki vel til lengri tíma og að þau geti valdið meiri skaða en ávinningi. 

Við langvarandi notkun minnka heildargæði svefns vegna minni endurnærandi djúpsvefns og REM svefns. Þetta slævir minni og einbeitingu og eykur þreytu yfir daginn. Auknar líkur er á byltum, brotum og slysum, bæði heima fyrir og sér í lagi í umferðinni.

Í ljósi breyttra upplýsinga afturköllum við vottun okkar á þeim vörum sem ekki teljast til húð- eða snyrtivara. Um er að ræða vörur eins og t.d. snuð, mexíkanahatta og andlitssteina. Ástæðan er sú, að vottunarferlið er ekki í samræmi við eðli þessara hluta.

Góð efnaskiptaheilsa þýðir að frumurnar hafa alla þá orku sem þær þurfa til að sinna sínum verkefnum. Þegar að efnaskiptaheilsan er góð erum við orkumeiri, okkur líður betur og erum heilsuhraustari.

Í fyrsta lagi þróast einkennin hægt og rólega og því tökum við ekki endilega eftir þeim. Kannski hefur þú fundið fyrir orkuleysi eða þreytu eftir máltíð, eða að buxnastrengurinn þrengist jafnt og þétt?

Leiðin að ,,lausninni” er einstaklingsbundin og heildræn, en það er þó óhætt að segja að þegar að kemur að því að stuðla að góðri efnaskiptaheilsu er blóðsykur- og streitustjórnun í algjöru lykilhlutverki.

Hvað getum við gert til að styðja við góða efnaskiptaheilsu og hlúa betur að hormónajafnvægi okkar? Veljum uppbyggilega næringu með prótein í aðalhlutverki fyrir virkni og vellíðan. Prótein eru okkur nauðsynleg fyrir líkamlega burði og viðhald og eru uppistaða hormóna og taugaboðefna.

Mældu heyrnina með iPhone eða iPad. Heyrnarskerðing er algeng og getur versnað með tímanum. Með heyrnarmælingu með Airpods Pro 2 heyrnartólunum getur þú komist að því hvort þú sért að tapa heyrn. Heyrnarmælingin sýnir einnig hvernig eyrun nema mismunandi tíðni hljóða, mæld í desíbelum (dBHL). Þegar þú hefur lokið við heyrnarmælinguna færð þú niðurstöður og ráðleggingar um næstu skref.

COVID-19 sjúkdómurinn veldur oft vægum einkennum sem minna helst á flensu. Í sumum tilfellum verður fólk þó alvarlega veikt og þarf innlögn á sjúkrahús. Eldra fólk og þau sem hafa langvinna sjúkdóma einkum hjarta- og lungnasjúkdóma eða sykursýki eru í meiri hættu á að fá alvarleg einkenni. Hér eru góð ráð frá Heilsuveru þegar einstaklingur greinist með Covid.

Við notum húð- og snyrtivörur til að hreinsa, vernda og breyta lykt eða útliti líkama okkar, svo eitthvað sé nefnt. Sífellt fjölgar vörum á markaði og húðrútínur verða æ flóknari með hverju árinu. Það er skiljanlegt - við viljum flest vera besta útgáfan af okkur sjálfum.