Arava

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Arava

Opna mína lyfseðla
Lyf til ónæmisbælingar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: LeflúnómíðSkráð 1. nóvember 2000

Leflúnómíð, virka efnið í Arava, er sjúkdómstemprandi gigtarlyf og vinnur á móti frumufjölgun og er notað til meðferðar á virkri liðagigt hjá fullorðnum. Leflúnómíð á einungis að gefa sjúklingum undir nákvæmu eftirliti læknis. Lyf sem hafa ónæmisbælandi verkun geta valdið því að sjúklingar verða næmari fyrir sýkingum og þær geta orðið alvarlegri en ella.

Tafla 10 mg Tafla

Notkun á lyfjum

LyfjaformTöflur til inntöku.
Venjulegar skammtastærðir100 mg einu sinni á dag fyrstu 3 dagana, síðan 10-20 mg einu sinni á dag. Töflurnar gleypist heilar með vatnsglasi.
Hversu langur tími uns verkun kemur fram4-6 vikur og getur aukist í 4-6 mánuði.
VerkunartímiLeflúnómíð er allt að 2 ár að fara úr líkamanum.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturHafðu samband við lækni í öllum tilfellum.
LangtímanotkunÆskilegt er að fylgjast reglulega með lifrarstarfsemi, blóðkornatalningu og blóðþrýstingi á meðan lyfið er tekið. Konur á barneignaaldri ættu að framkvæma þungunarpróf mánaðarlega.

Aukaverkanir

Auknar aukaverkanir geta komið fram þegar nýlega eða samtímis hafa verið notuð lyf sem hafa eiturverkanir á lifur eða blóð.

Algengar aukaverkanir (>1%):
  • Hækkaður blóðþrýstingur
    Leitið til læknis
  • Hárlos, þurr húð, exem
    Leitið til læknis
  • Höfuðverkur, svimi, náladofi
    Leitið til læknis
  • Kviðverkir
    Leitið til læknis
  • Lystarleysi, þyngdartap
    Leitið til læknis
  • Ógleði, uppköst, niðurgangur
    Leitið til læknis
  • Sinaslíðursbólga
    Leitið til læknis
  • Útbrot, kláði
    Leitið til læknis
  • Þróttleysi
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Sár í munni
    Hætta notkun
Sjaldgæfar aukaverkanir (<1%):
  • Gula
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Bólusetning með lifandi bóluefni hefur sýkingarhættu í för með sér. Ónæmisaðgerðir með lifandi bóluefnum eru ekki ráðlagðar

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért blóðlítill
  • þú sért með skerta beinmergsstarfsemi
  • þú hafir átt við áfengisvandamál að stríða
MeðgangaLyfið eykur líkur á fósturskaða sé það notað á meðgöngu. Konur á barneignaaldri ættu að nota örugga getnaðarvörn á meðan lyfið er tekið og í minnst 2 ár eftir að töku þess er hætt. Karlar sem taka lyfið eiga að nota viðeigandi getnaðarvarnir.
BrjóstagjöfLyfið berst í brjóstamjólk. Hætta skal brjóstagjöf á meðan lyfið er tekið.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturLyfið getur valdið svima sem dregur úr einbeitingarhæfni og viðbragðflýti. Í slíkum tilvikum á sjúklingur hvorki að aka bifreið né stjórna vélum.
ÁfengiEkki neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.