Imurel

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Imurel

Opna mína lyfseðla
Lyf til ónæmisbælingar

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Azatíóprín

Azatíóprín er ónæmisbælandi lyf. Verkunarmáti þess er ekki að fullu þekktur en það virðist hindra það að erfðaefni verði til í frumum, og hamla vissa þætti ónæmiskerfisins. Lyfið er notað til að koma í veg fyrir að nýju líffæri sé hafnað eftir líffæraflutning og við slæmum sjálfsofnæmissjúkdómum þegar önnur lyf duga ekki til. Það sem takmarkar helst árangur líffæraflutninga er það að ónæmiskerfi líkamans snýst gegn nýja líffærinu og skemmir það. Til þess að hindra það þarf að gefa ónæmisbælandi lyf ævilangt eftir líffæraígræðslu. Vegna alvarlegra aukaverkana azatíópríns þarf að fylgjast reglulega með sjúklingi meðan á meðferð stendur.

Notkun á lyfjum

LyfjaformTöflur til inntöku.
Venjulegar skammtastærðir1-4 mg á hvert kg líkamsþyngdar á dag. Töflurnar gleypist heilar eftir máltíð. Má ekki brjóta þær.
Hversu langur tími uns verkun kemur framVið iktsýki: 6-8 vikur.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist á dimmum stað í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef færri en 8 klst. eru til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu nema í samráði við lækni.
Hvernig á að hætta töku lyfsinsEkki hætta töku lyfsins nema í samráði við lækni.
Ef tekinn er of stór skammturHafðu samband við lækni í öllum tilfellum.
LangtímanotkunÁ meðan meðferð varir er nauðsynlegt að fylgjast mánaðarlega með blóðhag vegna áhrifa lyfsins á beinmerg. Fækki hvítum blóðkornum eða blóðflögum snögglega þarf að hætta meðferð í bili. Líffæraþegar, sem fá azatíóprín, ættu að forðast sólböð vegna hugsanlegrar hættu á húðkrabbameini.

Aukaverkanir

Aukaverkanir lyfsins eru skammtaháðar. Lyfið veldur fækkun á blóðkornum sem myndast í beinmerg. Þetta getur lengt storknunartíma blóðs og minnkað mótstöðu líkamans gegn sýkingum.

Algengar aukaverkanir (>1%):
  • Ógleði
    Leitið til læknis
  • Hiti, slappleiki, lystarleysi og marblettir
    Leitið strax til læknis
Sjaldgæfar aukaverkanir (<1%):
  • Gula
    Leitið til læknis
  • Sýkingar
    Leitið strax til læknis
  • Útbrot og mikill kláði
    Leitið strax til læknis

Milliverkanir

Vegna ónæmisbælandi áhrifa lyfsins verður að gæta varúðar við bólusetningu með lifandi bóluefni.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaLyfið eykur líkur á fósturskaða sé það notað á meðgöngu.
BrjóstagjöfLyfið berst í brjóstamjólk.
BörnVenjulegar skammtastærðir.
Eldra fólkMinni skammtar eru oft notaðir.
AksturLyfið hefur ekki áhrif á aksturshæfni.
ÁfengiEykur líkur á lifrarskemmdum af völdum lyfsins. Ekki neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.